បុរសម្នាក់ បើករថយន្តមួយគ្រឿង រេចង្កូតទៅបុករះបង្គោលថ្ម និងដើមឈើចំនួន២ដើម បាក់រាបដល់ដី ចំណែករថយន្តក្រឡាប់ផ្ងារជើងទ្រមេឃ

ភ្នំពេញ ៖ កាលពី ថ្ងៃទី២៨ ខែមីនា ឆ្នាំ២០២២ស្ថិតនៅតាមបណ្ដោយផ្លូវបុរីអង្គរ ក្នុងសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
មុនពេលកើតហេតុគេបានឃើញបុរសម្នាក់ បើករថយន្តម៉ាក mazda ពណ៌ខ្មៅ ពាក់ស្លាកលេខភ្នំពេញ 2BB-3911 បើកបរតាមបណ្ដោយផ្លូវបុរីអង្គរ ក្នុងទិសដៅពីត្បូងទៅជើងយ៉ាងលឿន ខណៈមកដល់ផ្លូវកោង បានបួងចង្កូតទៅបុកនឹងបង្គោលថ្ម រួចបន្តទៅបុកដើមឈើពីរដើមទៀតបាក់រាបដល់ដី ចំណែកឯរថយន្តក្រឡាប់ជើងទ្រមេឃ សំណាងល្អនៅក្នុងហេតុការណ៍នេះ មិនគ្រោះថ្នាក់ដល់មនុស្ស។
សមត្ថកិច្ចមូលដ្ឋានចុះមកដល់រួចពិនិត្យនិងបានទំនាក់ទំនង ទៅសមត្ថកិច្ចជំនាញចរាចរណ៍ស្ទូច យករថយន្តទៅរក្សាទុកនៅការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយគ្នានៅពេលក្រោយ៕