ភ្ញាក់ផ្អើល! ជនជាតិចិនម្នាក់ធ្លា,ក់ពីលើអគារកាស៊ីណូ នៅព្រះសីហនុ តើនេះជាករណីលោ,ត,ស,ម្លា,ប់ខ្លួន ឬក៏ករណីរ,អិ,ល,ជើងធ្លា,ក់ដោយខ្លួនឯង?

ព្រះសីហនុ ៖ នៅរសៀល ថ្ងៃទី២៩ ខែមីនា ឆ្នាំ២០២២ បុរសជនជាតិចិនម្នាក់ បានធ្លាក់ពីលើអគារកាស៊ីណូមួយកន្លែងនៅកណ្តាលក្រុងព្រះសីហនុ។ ករណីបង្កការភ្ញាក់ផ្អើលដល់ប្រជាពលរដ្ឋនិងក្រុមសមត្ថកិច្ចនេះ ។
យោងតាមព័ត៌មានបឋម! បុរសរងគ្រោះបានធ្លាក់ពីជាន់ទី៣មកដី។ សមត្ថកិច្ចបានឲ្យដឹងថា នៅកន្លែងកើតហេតុគេឃើញជនរងគ្រោះដេកស្តូកនៅគំនរឈើក្តាចាស់ចាស់ក្បែរឃឿនថ្ម។ សមត្ថកិច្ចបាននិយាយថា ពេលនេះគេមិនទាន់បានសាកសួរអំពីមូលហេតុនៅឡើយទេថា តើនេះជាករណីលោតសម្លាប់ខ្លួន ឬក៏ករណីរអិលជើងធ្លាក់ដោយខ្លួននោះទេ។ អគារកាស៊ីណូនេះមានឈ្មោះ ហ័រ វួយ ខ្សាច់មាស អន្តរជាតិ នៅមុខមន្ទីរពេទ្យបង្អែកខេត្តព្រះសីហនុ ស្ថិតក្នុងភូមិ០៤ សង្កាត់លេខ០៤ ក្រុងខេត្តព្រះសីហនុ។
ករណីមិនបណ្ដាលឲ្យគ្រោះថ្នាក់ ដល់អាយុជីវិតទេ។ ជនរងគ្រោះ សមត្ថកិច្ចបានបញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះសីហនុ។ ចំពោះករណីសមត្ថកិច្ចជំនាញកំពុងធ្វើការស្រាវជ្រាវ ៕