យុវជនម្នាក់ត្រូវបានរថយន្ត ក្រឡុកស៊ីម៉ង់ត៍របស់ក្រមហ៊ុន GENESIS HOME CONCRETE មួយគ្រឿង បើកកៀរហើយកិន បែកក្បាល បែកទាំងមួកការពារផ្ទុះខួរស្លាប់នៅនឹងកន្លែង

ភ្នំពេញ: គ្រោះថ្នាក់ចរាចណ៍ដ៏រន្ធត់នេះ បានកើតឡើងកាលពី ថ្ងៃទី៣០ ខែមីនា ឆ្នាំ២០២២ នៅតាមបណ្តោយបេតុង ស្ថិតនៅភូមិ គោកឃ្លាង សង្កាត់គោកឃ្លាងខណ្ឌសែនសុខ។
យុវជនរងគ្រោះឈ្មោះ ពៅ សំណាង ភេទប្រុស អាយុ២២ឆ្នាំ បច្ចុប្បន្នរស់នៅភូមិអូរកណ្តាល ឃុំសន្តិភាព ស្រុកសំពៅលូន ខេត្តបាត់ដំបង ជិះម៉ូតូម៉ាកហុងដាឌ្រីម សេ១២៥សេរី២០១៥ ពណ៌ខ្មៅពាក់ស្លាកលេខភ្នំពេញ ១DO ២១៦០មួយគ្រឿង។ ចំណែករថយន្តកិនមនុស្សស្លាប់នោះ ជារថយន្តក្រឡុកស៊ីម៉ង់តិ៍របស់ក្រុមហ៊ុន GENESIS HOME CONCRETE ម៉ាក FUSO ពណ៌ស ពាក់ស្លាកលេខ ភ្នំពេញ ៥A ២៩៨៦ បើកបរដោយឈ្មោះ ម៉ឺន សារិន ភេទប្រុស អាយុ៣៨ឆ្នាំ ស្នាក់នៅ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ និងមានស្រុកកំណើតភូមិ បាយស្រា ឃុំទំព័រមាស ស្រុកសំរោងទងខេត្តកំពង់ស្ពឺ ត្រូវបាននគរបាលឃាត់ខ្លួន បន្ទាប់ពីព្យាយាមបើករត់គេចគេចខ្លួន។
សពត្រូវបាននគរបាលមូលដ្ឋាន ចាត់ចែងបញ្ជូនទៅតម្កល់នៅឈាបនដ្ឋានវត្តទឹកថ្លា ដើម្បីរង់ចាំបងប្អូនមកទទួលយកទៅធ្វើបុណ្យតាមប្រពៃណី ៕