បុរសម្នាក់ សមត្ថកិច្ចឃាត់ខ្លួន ក្រោយពីធ្វើសកម្មភាពយកដំបងវាយអ្នកលក់បារី និងគ្រឿងទេស ខឹងអ្នកលក់មិនឱ្យជំពាក់លុយ

ខេត្តកំពង់ស្ពឺ៖ ហេតុការណ៍នេះបង្កឱ្យមានការភ្ញាក់ផ្អើលនៅក្នុងភូមិលៀក ឃុំព្រះនិព្វាន ស្រុកគងពិសី ខេត្តកំពង់ស្ពឺ កាលពីវេលាម៉ោង៧យប់ថ្ងៃទី៣១ខែមីនាឆ្នាំ២០២២។
បុរសម្នាក់ត្រូវបានសមត្ថកិច្ចឃាត់ខ្លួនក្រោយពីធ្វើសកម្មភាពយកដំបងវាយអ្នកលក់បារីនិងគ្រឿងទេសខណៈដែលរូបគេខឹងអ្នកលក់មិនឱ្យជំពាក់លុយ។
ជនសង្ស័យដែលឃាត់ខ្លួនមានឈ្មោះ ចាន់ ឈន ភេទប្រុស អាយុ៤០ឆ្នាំ ស្នាក់នៅភូមិលៀក ឃុំព្រះនិព្វាន ស្រុកគងពិសី ខេត្តកំពង់ស្ពឺ ។ ចំណែកជនរងគ្រោះមានឈ្មោះ ចាន់ ចំរើន ភេទប្រុស អាយុ៤៤ឆ្នាំ នៅភូមិឃុំជាមួយគ្នា រងរបួសដៃនិងជង្គង់ ។
មូលហេតុដែលនាំឱ្យមានអំពើហិង្សាកើតឡើងនេះគឺដោយសារតែជនសង្ស័យខឹងជនរងគ្រោះមិនឱ្យជំពាក់លុយថ្លៃបារី និងគ្រឿងទេសទើបជនសង្ស័យវាយជនរងគ្រោះតែម្តងទៅ។
ជនសង្ស័យកំពុងត្រូវបានសមត្ថកិច្ចជំនាញសាកសួរនៅអធិការដ្ឋាននគរបាលស្រុកគងពិសីដើម្បីកសាងសំណុំរឿងអនុវត្តតាមនីតិវិធី៕