គ្រោះថ្នាក់ចរាចរណ៍ រថយន្តមួយគ្រឿងមិនស្គាល់អត្តសញ្ញាណ បានបុកស្ត្រីម្នាក់មានសន្តិមិនគ្រប់ បណ្តាលអោយស្លាប់ នៅនឹងកន្លែងកើតហេតុ

ស្រុកកំពង់សិលា- នៅ ថ្ងៃទី០២ ខែមេសា ឆ្នាំ២០២២ នៅលើផ្លូវជាតិលេខ៤ ចន្លោះគីឡូម៉ែត្រលេខ១១១-១១២ ស្ថិតនៅភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើងរវាងរថយន្តមួយគ្រឿងមិនស្គាល់អត្តសញ្ញាណ បានបុកស្ត្រីម្នាក់មានសន្តិមិនគ្រប់ បណ្តាលអោយស្លាប់នៅនឹងកន្លែងកើតហេតុ។

ករណីនេះបានកើតឡើងរវាងរថយន្តមិនស្គាល់ម៉ាក០១គ្រឿង បើកបរក្នុងទិសដៅពីព្រះសីហនុទៅភ្នំពេញ លុះមកដល់ចំណុចកើតហេតុខាងលើបានបុកមនុស្សដែលមានសន្តិមិនគ្រប់ និងមិនស្គាល់អត្តសញ្ញាណ ដើរតាមផ្លូវ បណ្ដាលអោយស្លាប់ភ្លាមៗនៅនឹងកន្លែង ក្រោយពេលកើតហេតុអ្នកបើកបររថយន្តបានបើករថយន្តគេចចេញពីកន្លែងកើតហេតុបាត់។សពត្រូវបានសមត្តិកិច្ច កងរាជអាវុធហត្ថមូលដ្ឋាន ស្រុកកំពង់សីលា សហការជាមួយកម្លាំងអធិការដ្ឋាននគរបាលស្រុកកំពង់សីលា កំពង់ស្រាវជ្រាវរថយន្តបង្កនឹងស្វែងរកក្រុមគ្រួសារសាច់ញាតិនៃសព ដើម្បីយកទៅធ្វើបុណ្យតាមប្រពៃណី ៕