រថយន្តបើកបរដោយខ្វះការប្រុងប្រយ័ត្ន បណ្តាលឲ្យក្រឡាប់ផ្ងាជើងស្តូកស្តឹង បង្កឲ្យមានការភ្ញាក់ផ្អើល

បន្ទាយមានជ័យ៖ នៅ ថ្ងៃទី០១ ខែមេសា ឆ្នាំ២០២២ នៅលើផ្លូវជាតិលេខ៥ ត្រង់ចំណុចផ្លូវបំបែកវាងក្រុងទឹកថ្លា ស្ថិតនៅភូមិ-សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។
រថយន្តបង្កម៉ាកហ៊ីយិនដាយពាក់ផ្លាកលេខ សៀមរាប 3A-3513 ដឹកថ្កាមាន់ធ្វើដំណើរពីលិចមកកើត មកដល់ចំនុចផ្លូវ បំបែកវាងក្រុងទៅបាត់ដំបងដោយផ្លូវកោងបត់ស្តាំ ល្បឿនផ្ទុកលើសកំនត់ចងខ្សែរឹតមិនជាប់ដាច់ខ្សែបានក្រឡាប់ខ្លួន ផ្ងាជើងស្តូកស្តឹង។
ករណីក្រឡាប់រថយន្តដោយខ្លួនឯង មិនមានគ្រោះថ្នាក់និងរបួសដល់មនុស្ស ចំណែកឯរថយន្តខូចខាតកម្រិតស្រាល១គ្រឿង។ រថយន្តត្រូវបានសមត្ថកិច្ចជំនាញពាក់ព័ន្ធធ្វើការឃាត់សួរនាំ និងបន្តតាមនីតិវិធីនៃច្បាប់ស្តីពីចរាចរណ៍ផ្លូវគោក នៃស្នងការដ្ឋាននគរបាលខេត្តបន្ទាយមានជ័យ៕