អគ្គិភ័យឆេះបន្ទប់អគារនាគទិព្វ១ បង្កការភ្ញាក់ផ្អើល នៅបន្ទាយមានជ័យ

បន្ទាយមានជ័យ ៖ ករណីគ្រោះអគ្គិភ័យនេះ បានកើតឡើងនៅ ល្ងាច ថ្ងៃទី៣ ខែមេសា ឆ្នាំ២០២២ នៅចំណុចអគារនាគទិព្វ១ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
បន្ទប់មួយនៅក្នុងអគារ នាគទិព្វ១ ក្នុងក្រុងប៉ោយប៉ែតត្រូវបានអគ្គិភ័យឆាបឆេះយ៉ាងសន្ធោសន្ធៅបង្កាការភ្ញាក់ផ្អើលដល់កម្លាំងសមត្ថកិច្ចចេញរថយន្ដពន្លត់អគ្គិភ័យជួយអន្តរាគមន៍ដោយប្រើបេលមួយម៉ោងទើបគ្រប់គ្រងស្ថានការណ៍បាន។

នៅមុនពេលកើតហេតុបន្ទប់មួយក្នុងអគារនាគទិព្វ១ ត្រូវបានភ្លើងឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់ពលរដ្ឋ និងសមត្ថកិច្ចហៅរថយន្ដពន្លត់អគ្គិភ័យរបស់អធិការដ្ឋាននគរបាលបាលក្រុងប៉ោយប៉ែត រថយន្ដពន្លត់របស់មូលដ្ឋានកងរាជអាវុធហត្ថក្រុងប៉ោយប៉ែត និងរថយន្ដពន្លត់អគ្គិភ័យរបស់កាស៊ីណូត្រូពីកាណា មកជួយបាញ់ពន្លត់១ម៉ោងក្រោយមកទើបភ្លើងរត់អស់ទាំងស្រុងមិនឆ្លងដល់បន្ទប់ផ្សេងៗទៀតឡើយ។ បើតាមមន្ត្រីជំនាញបាននិយាយថា ភ្លើងដែលឆេះអគារនាគទិព្វ១នេះ ប្រហែលមកពីឆ្លងចរន្ដអគ្គិសនី ចំណែកទ្រព្យសម្បត្តិខូចខាតស្មានមិនទាន់ដឹងនៅឡើយ សំខាន់ពុំមានមនុស្សរងរបួសក្នុងហេតុការណ៍នោះ៕