ឃាត់ខ្លួនជនសង្ស័យម្នាក់ ពាក់ព័ន្ធនឹងគ្រឿងញៀន

ខេត្តកំពង់ស្ពឺ ៖ នៅថ្ងៃទី០៥ ខែមេសា ឆ្នាំ២០២២ កម្លាំងអធិការដ្ឋាននគរបាលស្រុកសំរោងទង បានបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបានម្នាក់ ស្ថិតនៅចំណុចភូមិស្រីប្រសើរ ឃុំធម្មតាអរ ស្រុកសំរោងទង ខេត្តកំពង់ស្ពឺ ។
ក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យម្នាក់ឈ្មោះ ពេជ្រ សុខហេង ភេទប្រុស អាយុ៤១ឆ្នាំ នៅភូមិអូរវែង ឃុំកាហែង ស្រុកសំរោងទង ខេត្តកំពង់ស្ពឺ ។
វត្ថុតាងដកហូតរួមមាន ៖
-ម្សៅក្រាមពណ៌សថ្លាសង្ស័យជាគ្រឿងញៀន ៥កញ្ចប់ (១តូច និង ៤មធ្យម) ទម្ងន់ ក្រាម
-ជញ្ជីងថ្លឹងគ្រឿងញៀន ២
-ទូរស័ព្ទ ២គ្រឿង
-ឧបករណ៍ប្រើប្រាស់គ្រឿងញៀនមួយចំនួន ។
ជនសង្ស័យ និងវត្ថុតាងកម្លាំងត្រូវបានការិយាល័យជំនាញកំពុងកសាងសំណុំរឿងចាត់ការតាមនីតិវិធី ៕