ស្ត្រីម្នាក់ ខណៈកំពុងដើរតាមដងផ្លូវ ស្រាប់តែមានរថយន្តមិនស្គាល់ម៉ាកមួយគ្រឿង បើកមកបុកពេញទំហឹងបណ្ដាលឱ្យស្លាប់

កណ្ដាលៈ ហេតុការណ៍នេះបានកើតឡើងនៅថ្ងៃទី០៥ ខែមេសា ឆ្នាំ២០២២ លើកំណាត់ផ្លូវជាតិលេខ៦ ត្រង់ចន្លោះគីឡូម៉ែត្រលេខ១២-១៣ ស្ថិតនៅភូមិថ្នល់បត់ ឃុំកោះចិន ស្រុកពញាឮ ខេត្តកណ្ដាល។ ស្ត្រីម្នាក់ ខណៈកំពុងដើរតាមដងផ្លូវ ស្រាប់តែមានរថយន្តមិនស្គាល់ម៉ាកមួយគ្រឿងបើកមកបុកពេញទំហឹងបណ្ដាលឱ្យស្លាប់គួរឱ្យសង្វេគ។
ក្រោយកើតហេតុកម្លាំងជំនាញចរាចរណ៍ស្រុកសហការជាមួយកម្លាំងប៉ុស្តិ៍បានចុះដល់កន្លែងកើតហេតុ រួចធ្វើការពិនិត្យ វាស់វែង និងយកសាកសពស្ត្រីរងគ្រោះទៅតម្កល់នៅវត្តប្រជុំរង្សី (ហៅវត្តព្រែកក្តាម) ដើម្បីស្រាវជ្រាវរកសាច់ញាតិធ្វើបុណ្យតាមប្រពៃណី។ ចំណែករថយន្តបង្ក ត្រូវបានសមត្ថកិច្ចជំនាញកសាងឯកសារស្រាវជ្រាវចាត់ការតាមនីតិវិធី៕