បុរសម្នាក់ បើករថយន្តស៊េរីទំនើប ជ្រុលចង្កូតឡើងលើសួនពុះចែកទ្រូងផ្លូវ កល់ជាប់ទៅមុខលែងរួច

ភ្នំពេញ ៖ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពី យប់ថ្ងៃទី០៨ ខែមេសា ឆ្នាំ២០២២ នៅតាមបណ្ដោយផ្លូវ R8 ក្នុងបរិវេណបឹងកក់ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

មុនកើតហេតុគេឃើញបុរសម្នាក់បើករថយន្ត Lexus NX200t មួយគ្រឿង ពណ៌ប្រផេះ ពាក់ស្លាកលេខភ្នំពេញ2BF-3488ធ្វើដំណើរតាមបណ្ដោយផ្លូវR8 ទិសដៅពីលិចទៅកើតក្នុងល្បឿនលឿន លុះមកដល់ចំណុចកើតហេតុខាងលើបានរេចង្កូតឡើងលើសួនពុះចែកទ្រូងផ្លូវកល់ជាប់ទៅមុខលែងរួច ដោយរងការខូចខាតសួនច្បារតិចតួចប៉ុណ្ណោះ តែមិនបង្កគ្រោះថ្នាក់ដល់មនុស្សឡើយ ។
សន្តិសុខក្រុមហ៊ុនសួនច្បារខាងលើបានចុះមកពិនិត្យជាក់ស្ដែងនៅកន្លែងកើតហេតុ ដោយមិនមានការខូចខាតច្រើនទើបប្រគល់រថយន្តបង្កឱ្យទៅម្ចាស់ស្ទួចយកទៅជួសជុលដោយខ្លួនឯង ៕