ក្មេងឃ្វាលក្របី បានប្រទះឃើញបុរសម្នាក់ ចងក សម្លាប់ខ្លួន នៅលើដើមឈើ

ខេត្តស្វាយរៀង៖ ហេតុការណ៍នេះបានកើតឡើង កាលពី ថ្ងៃទី១២ខែមេសាឆ្នាំ២០២២ នៅចំណុចភូមិពោធិ៍វង្ស ឃុំប្រសូត្រ ស្រុកស្វាយទាប។

មានការភ្ញាក់ផ្អើលទាំងព្រឹក ក្មេងឃ្វាលក្របីបានប្រទះឃើញបុរសម្នាក់ចងកសម្លាប់ខ្លួននៅលើដើមឈើ ហើយក៏បានរាយការណ៍ទៅអ្នកភូមិនិងសមត្ថកិច្ចមកពិនិត្យសព។
សមត្ថកិច្ចនគរបាលស្រុកស្វាយទាបបានឱ្យដឹងថា បុរសខាងលើមានឈ្មោះ កែវ ចាន់ថា អាយុ៥៤ឆ្នាំ មុខរបរជាមន្ត្រីនៅក្រសួងសាធារណការនិងដឹកជញ្ជួន រស់នៅភូមិពោធិ៍វង្ស ឃុំប្រសូត្រ ស្រុកស្វាយទាប ។
សមត្ថកិច្ចនគរបាលស្រុក សហការជាមួយនគរបាលប៉ុស្ត៏រដ្ឋបាលនិងគ្រូពេទ្យបានចុះទៅពិនិត្យសព ហើយសន្និដ្ឋានថា បុរសរងគ្រោះពិតជាស្លាប់ដោយចងកសម្លាប់ខ្លួនឯងប្រាកដមែន ខណៈក្រុមគ្រួសារអះអាងថា ប្ដីរបស់គាត់មានជំងឺព្យាបាលមិនធូរស្រាល ទើបដាច់ចិត្តចងកសម្លាប់ខ្លួនបែបនេះ។ បុរសដែលស្លាប់បានបន្សល់សំបុត្រមួយច្បាប់ទុកឱ្យប្រពន្ធកូនគួរឱ្យស្រណោះបំផុត។
សពត្រូវបានសមត្ថកិច្ចធ្វើកំណត់ហេតុនិងប្រគល់ឱ្យក្រុមគ្រួសារយកទៅធ្វើបុណ្យតា