បុរសម្នាក់ រងរបួសធ្ងន់ ត្រូវបានរថយន្តសង្គ្រោះដឹកយកទៅមន្ទីរពេទ្យភ្លាមៗ បន្ទាប់ពីបើកឡំប្រឺតាជ្រុលទៅបុករថយន្តព្រូសពេញទំហឹង

ភ្នំពេញ៖ កាលពី ថ្ងៃទី១៩ ខែមេសា ឆ្នាំ២០២២ នៅចំណុចផ្លូវលេខ១៧៣កែងផ្លូវលេខ២៨៤ ស្ថិតក្នុងសង្កាត់អូឡាំពិក ខណ្ឌបឹងកេងកង រាជធានីភ្នំពេញ។

មុនពេលកើតហេតុគេបានឃើញរថយន្តម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ2AA-2653 ធ្វើដំណើរតាមបណ្តោយផ្លូវលេខ១៧៣ ក្នុងទិសដៅពីលិចទៅកើត ខណៈមកដល់ចំណុចកើតហេតុស្រាប់តែមានបុរសម្នាក់ បើកឡំប្រឺតាយ៉ាងលឿនតាមបណ្តោយផ្លូវលេខ២៨៤ ក្នុងទិសដៅពីត្បូងទៅជើងលឿនមិនប្រយ័ត្នក៏ជ្រុលទៅបុករថយន្តចំពីចំហៀងពេញទំហឹងបណ្តាលឱ្យឡំប្រឺតាខ្ទាតទៅបោកផ្ទប់ទៅនឹងរបងវត្តបន្ថែមទៀតរងការខូចខាត ចំណែកអ្នកបើកឡំប្រឺតារងរបួសធ្ងន់។
ជនរងគ្រោះត្រូវបានរថយន្តសង្គ្រោះដឹកយកទៅព្យាបាលនៅមន្ទីរពេទ្យភ្លាមៗ ចំណែករថយន្តនិងឡំប្រឺតាត្រូវបានសមត្ថកិច្ច ធ្វើការវាស់វែងយកទៅរក្សាទុករង់ចាំដោះស្រាយនៅពេលក្រោយ៕