បុរសម្នាក់ដែលគេស្គាល់ថា ជាមនុស្សមានសតិមិនគ្រប់ បានបាត់បង់ជីវិត គួរឱ្យរន្ធត់ ដោយសារត្រូវរថយន្តមួយគ្រឿង មិនស្គាល់ម៉ាក បុកពេញទំហឹង

កណ្ដាលៈ នៅថ្ងៃទី១៩ ខែមេសា ឆ្នាំ២០២២ នៅលើផ្លូវជាតិលេខ១ ត្រង់ចន្លោះគីឡូម៉ែត្រ លេខ ១៧-១៨ ស្ថិតក្នុងភូមិភូមិធំ ឃុំភូមិធំ ស្រុកកៀនស្វាយ ខេត្តកណ្តាល ។
រថយន្តបុកមនុស្សស្លាប់ មិនស្គាល់ម៉ាក បើកបរដោយជនមិនស្គាល់អត្តសញ្ញាណ រីឯជនរងគ្រោះ ភេទប្រុស អាយុប្រហែល ៣៧ ឆ្នាំ មិនស្គាល់អត្តសញ្ញាណ។
ប្រជាជន បានប្រទះឃើញ បុរសម្នាក់ ដេកស្លាប់ នៅលើផ្លូវជាតិលេខ១ ត្រង់ចំណុចកើតហេតុខាងលើ រួចក៏បាន រាយការណ៍ ជូនសមត្ថកិច្ចប៉ុស្តិ៍។ ភ្លាមៗនោះ កម្លាំងសមត្ថកិច្ច បានទៅពិនិត្យសាកសព នៅលើផ្លូវ ភេទប្រុស អាយុប្រហែល ៣៧ ឆ្នាំ មិនស្គាល់អត្តសញ្ញាណ។
ជនរងគ្រោះនេះ គឺជាមនុស្សដែលមាន សតិមិនគ្រប់ ដើរចុះឡើង លើផ្លូវជាតិ ត្រូវរថយន្តមួយគ្រឿង មិនស្គាល់អត្តសញ្ញាណ បើកពីអ្នកលឿង ទៅភ្នំពេញ បានបុក បណ្ដាលឱ្យស្លាប់ ហើយបើករត់គេចបាត់។ សាកសព បានយកទៅកប់ទុក ដើម្បីស្វែងរកគ្រួសារនៃសព ឱ្យមកយក ទៅធ្វើបុណ្យ តាមប្រពៃណី៕