ពលរដ្ឋស្នើរឲ្យអាជ្ញាធរក្រុងប៉ោយប៉ែត ជួយជួសជុលផ្លូវមួយខ្សែ ពិបាកធ្វើដំណើរ

បន្ទាយមានជ័យ៖ ប្រជាពលរដ្ឋជាច្រើនគ្រួសាររស់នៅចំណុច ភូមិមិត្ដភាព សង្កាត់ប៉ោយប៉ែត ក្រុងប៉ោយប៉ែត បានស្មើឲ្យអាជ្ញាធរក្រុង សង្កាត់ប៉ោយប៉ែត ជួយជួសជុលផ្លូវលំមួយខ្សែក្នុងមូលដ្ឋាន រស់នៅរបស់ពួកគាត់ ដោយរដូវវស្សា ឬពេលមានភ្លៀងធ្លាក់ម្តងៗ សូម្បីតែជិះកង់ ម៉ូតូ ក៏ពិបាកធ្វើដំណើរផងដែរ។
កន្លងមកបងប្អូនប្រជាពលរដ្ឋទាំងអស់តែងតែគៀងគរនាំគ្នាប្រមូលថវិកា ដើម្បីទិញដីចាក់ផ្លូវជាមួយខាងអាជ្ញាធរភូមិជាអ្នកសម្របសម្រួល ប៉ុន្តែខណៈពេលមានវិបត្តិកូវីដ នេះពួកគាត់គ្មានលទ្ធភាពរកប្រាក់ចំណូលដើម្បីរកថវិកាមកទិញដីចាក់ផ្លូវនោះទេ ដូច្នេះទើប ស្នើសុំឲ្យអាជ្ញាធរជួយសម្រួលចំពោះបញ្ហាទាំងអស់នេះផង ព្រោះកន្លងមកនៅចំណុចភូមិមិត្តភាពនេះ ទីតាំងខ្លះក៏ទទួលបានផ្លូវល្អជាបេតុងហើយ ទីតាំងខ្លះទៀតក៏ពុំបានទទួលផ្លូវល្អសំរាប់ការធ្វើដំណើរនោះទេ ជាក់ស្តែងនៅត្រង់ចំណុចភូមិមិត្តភាពនេះតែម្តង ៕