ជនសង្ស័យ២នាក់ ត្រូវបានប្រជាពលរដ្ឋដេញឃាត់ខ្លួន រួចប្រគល់ជូនសមត្ថកិច្ច ពាក់ព័ន្ធករណីឆ្កឹះសោផ្ទះបំណងចូលលួចទ្រព្យសម្បត្តិ

ភ្នំពេញ៖ កាលពី ថ្ងៃទី២១ ខែមេសា ឆ្នាំ២០២២ នៅចំណុចផ្ទះលេខ៩៦ ផ្លូវបេតុង ភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះវ៉ន ពង្ធ្រិពល ភេទប្រុសអាយុ៤០ឆ្នាំ ស្នាក់នៅភូមិទ្រា សង្កាត់ស្ទឹងមានជ័យ២ ខណ្ឌមានជ័យ។ ទី២ឈ្មោះហ៊ួន ម៉ានីឧត្តម ភេទប្រុសអាយុ២៤ឆ្នាំ មុខរបរមិនពិតប្រកដ ស្នាក់នៅភូមិទ្រា សង្កាត់ស្ទឹងមានជ័យ២ ខណ្ឌមានជ័យ។
មុនពេលកើតហេតុខណៈបុរសជាប្តីទៅវត្តបាត់ទុកប្រពន្ធឱ្យនៅចាំផ្ទះ លុះមកដល់វេលាកើតហេតុស្រាប់តែឃើញមានជនសង្ស័យចំនួន២នាក់កំពុងធ្វើសកម្មភាពឆ្កិះសោផ្ទះបំណងចូលលួចទ្រព្យសម្បត្តិ ភ្លាមនោះស្ត្រីជាប្រពន្ធក៏បានខលប្រាប់ប្តីថាមានចោរកំពុងឆ្កិះសោផ្ទះហើយ។
ប្រភពដដែលបានបន្តថា ភ្លាមនោះបុរសជាប្តីក៏បានមកដល់ភ្លាមៗហើយសួរនាំជនសង្ស័យទាំង២នាក់ពួកឯងកំពុងធ្វើអ្វី? បន្ទាប់មកជនសង្ស័យទាំង២ក៏បានរត់គេចខ្លួន ទើបជនរងគ្រោះដេញស្រែកថាចោរបង្កការភ្ញាក់ផ្អើលដល់ប្រជាពលរដ្ឋនាំគ្នាដេញចាប់តែម្តង។
ជនសង្ស័យត្រូវបានសមត្ថកិច្ចកសាងសំណុំរឿងបញ្ជនទៅផ្នែកព្រហ្មទណ្ឌ ដើម្បីចាត់ការតាមច្បាប់៕