បុរសម្នាក់បើករថយន្ត Toyota Prius ជ្រុលចង្កូតទៅបុករថយន្តCOROLLA ចតស្ងៀម ពីក្រោយ បណ្ដាលឱ្យរងការខូចខាតយ៉ាងដំណំ

ភ្នំពេញ៖ កាលពី ថ្ងៃទី២៣ ខែមេសា ឆ្នាំ២០២២ នៅតាមបណ្ដោយផ្លូវលេខ១៩៨៦ ជិតភ្លើងស្តុបផ្សារដីហុយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

មុនកើតហេតុគេឃើញរថយន្តកូរ៉ូឡាមួយគ្រឿងពណ៌ទឹកប្រាក់ពាក់ស្លាកលេខកំពង់ធំ2A-0026 ចតស្ងៀមនៅប្របចិញ្ចើមផ្លូវក្នុងទិសដៅពីកើតទៅលិច។ លុះមកដល់ម៉ោងកើតហេតុខាងលើក៏មានរថយន្តព្រូសមួយគ្រឿងពណ៌ក្រហម ពាក់ស្លាកលេខភ្នំពេញ2BE-9364បើកបរដោយបុរសម្នាក់ក្នុងល្បឿនលឿនធ្វើដំណើរស្របគ្នាមកពីក្រោយមិនប្រយ័ត្នក៏ជ្រុលទៅបុករថយន្តកូរ៉ូឡាពីក្រោយផ្នែកខាងឆ្វេងពេញទំហឹងបណ្ដាលឱ្យរថយន្តទាំងពីរគ្រឿងរងការខូចខាតរៀងៗខ្លួនយ៉ាងដំណំ។ ភាគីទាំងពីរបានធ្វើការសម្របសម្រួលគ្នាអស់រយៈពេលជិតមួយម៉ោង ទើបបានព្រមព្រៀងគ្នាដោយខាងភាគីរថយន្តព្រូសបានយករថយន្តកូរ៉ូឡាទៅជួសជុលឱ្យស្អាតឡើងវិញដើម្បីបញ្ចប់រឿង នៅនឹងកន្លែងកើតហេតុ៕