គ្រោះថ្នាក់ចរាចរណ៍ រវាងរថយន្តនិងម៉ូតូ បណ្តាល ឱ្យស្លាប់ម្នាក់ភ្លាមៗ នៅកន្លែងកើតហេតុ និង២នាក់ទៀត រងរបួសធ្ងន់

សៀមរាប៖ ហេតុការណ៍គ្រោះថ្នាក់ចរាចរណ៍នេះ បណ្តាលឱ្យកកស្ទះ នៅលើដងផ្លូវនោះ កាលពី ថ្ងៃទី២៤ ខែមេសា ឆ្នាំ២០២២ នៅកំណាត់ផ្លូវជាតិ ២៦៥F ក្នុងភូមិគោកត្នោត ឃុំកណ្ដែក ស្រុកប្រាសាទបាគង ខេត្តសៀមរាប។ រថយន្ដ ម៉ាកលុចស៊ីស RX300 ពណ៌ស ពាក់ផ្លាកលេខ សៀមរាប 2C 5517 បើកបរដោយឈ្មោះ ទីវ គឹមអាន ភេទប្រុស អាយុ ៥៨ឆ្នាំ សញ្ជាតិខ្មែរ មានទីលំនៅ ក្នុងភូមិទ្រាំង សង្កាត់ស្លក្រាម ក្រុង/ ខេត្តសៀមរាប បើកបរពីត្បូងទៅជើង បុកនឹងម៉ូតូមួយគ្រឿង ម៉ាកវេវ សេ១០០ ពណ៌ខ្មៅពាក់ផ្លាកលេខ សៀមរាប 1L 9066 បើកបរដោយ ឈ្មោះ សួន ភើយ ភេទប្រុស អាយុ ៣២ឆ្នាំ សញ្ជាតិខ្មែរ មានទីលំនៅ ក្នុងភូមិល្វា ឃុំត្រពាំងធំ ស្រុកប្រាសាទបាគង ខេត្ដសៀមរាប បើកបរដឹកប្រពន្ធ និងកូនប្រុសម្នាក់ ដែលមានឈ្មោះ លាន អាយុ ៣១ឆ្នាំ(ប្រពន្ធ) កូនប្រុស ឈ្មោះ ធី អាយុ ៣ឆ្នាំ មានទិសដៅ ពីជើងទៅត្បូង បណ្ដាលឱ្យស្លា.ប់អ្នកបើកបរ ម៉ូតូ និងរបួសធ្ងន់ ២នាក់ អ្នករួមដំណើរ ជាប្រពន្ធ និងកូន។
ម៉ូតូ និងរថយន្ដ ត្រូវបានប៉ូលិស យកទៅរក្សាទុក នៅអធិការដ្ឋាននគរបាលស្រុកប្រាសាទបាគង ដើម្បីរៀបចំសំណុំរឿង ចាត់ការទៅតាមនីតិវីធីច្បាប់។ ចំណែកអ្នកបើកបរ មិនដឹង ជារត់រួច ឬក៏ត្រូវប៉ូលិស ចាប់ខ្លួននោះទេ។ មូលហេតុ ដោយសារតែរថយន្ដបើកបរ មិនប្រកាន់ ស្ដាំ ពោលគឺវ៉ាជែង ហើយឆ្លងចូលគន្លងផ្លូវបញ្ច្រាសទិស បណ្តាលឱ្យបុកម៉ូតូតែម្តង៕