បុរសជនជាតិចិនម្នាក់ បើករថយន្តមួយគ្រឿង ខ្វះការប្រុងប្រយ័ត្ន រេចង្កូតទៅបុករបងថ្មផ្ទះប្រជាពលរដ្ឋ

បុរសជនជាតិចិនម្នាក់ បើករថយន្តមួយគ្រឿង ខ្វះការប្រុងប្រយ័ត្ន រេចង្កូតទៅបុករបងថ្មផ្ទះប្រជាពលរដ្ឋ

ខេត្តស្វាយរៀង: កាលពីវេលាម៉ោងប្រមាណ១១និង១០នាទីថ្ងៃទី២៥ខែតុលាឆ្នាំ២០២២ស្ថិតក្នុងភូមិកោះក្បានខាងជើង ឃុំសំរោង ស្រុកចន្ទ្រា។
មុនកើតហេតុគេឃើញបុរសជនជាតិចិនម្នាក់ បើករថយន្តមួយគ្រឿងម៉ាកឡង់គ្រីស័រ ពណ៌ស ពាក់ស្លាកលេខភ្នំពេញ២BD-០០០៣ ដោយធ្វើដំណើរពីកើតទៅលិចប្រើប្រាស់ល្បឿនលឿនខ្វះប្រុងប្រយត្ន័ធ្វើឱ្យរេចង្កូតមកខាងស្ដាំដៃបុករបងថ្មផ្ទះប្រជាពលរដ្ឋយ៉ាងពេញទំហឹងលាន់សូរដូចរន្ទះបង្កការភ្ញាក់ផ្អើលតែម្ដង។

ក្រោយកើតហេតុគេឃើញបុរសជនជាតិចិននោះបើកទ្វារចេញពីក្នុងរថយន្តទាំងអាការទ្រេតទ្រោត ប៉ុន្តែមិនមានគ្រោះថ្នាក់អីនោះទេ ខណៈដែលរថយន្តខូចខាតខ្ទេចទាំងស្រុង។
ឃាត់ខ្លួនជនជាតិចិន យកទៅសាកសួរនៅអធិការដ្ឋាននគរបាលស្រុកចន្ទ្រាដើម្បីរង់ចាំដោះស្រាយសំណងជាមួយម្ចាស់ផ្ទះតាមផ្លូវច្បាប់៕