ស្រាវជ្រាវបង្ក្រាបឃាត់ខ្លួនបានជាបន្តបន្ទាប់ ជនសង្ស័យ ០៣នាក់ ករណីជួញដូរដោយខុសច្បាប់ នូវសារធាតុញៀន ជិត០៤គីឡូក្រាម នៅភ្នំពេញ

ស្រាវជ្រាវបង្ក្រាបឃាត់ខ្លួនបានជាបន្តបន្ទាប់ ជនសង្ស័យ ០៣នាក់ ករណីជួញដូរដោយខុសច្បាប់ នូវសារធាតុញៀន ជិត០៤គីឡូក្រាម នៅភ្នំពេញ

ភ្នំពេញ ៖ ជនសង្ស័យឈ្មោះ ម៉ុន ប៊ុននាង ហៅ ពេក ភេទ ប្រុស អាយុ ៣៦ឆ្នាំ ស្នាក់នៅមិនពិតប្រាកដ មុខរបរ គ្មាន វត្ថតាងដកហូត៖ ក្រាមសថ្លា (សង្ស័យជាសារធាតុញៀន) ១ថង់ធំល្មម ត្រូវកម្លាំងអធិការដ្ឋាននគរបាលខណ្ឌចំការមន ឃាត់ខ្លួនបានកាលពីថ្ងៃទី១៩ ខែតុលា ឆ្នាំ២០២២ ខណៈកម្លាំងចុះល្បាតដល់នៅចំណុចគង់ហុង ផ្លូវលំ ភូមិ៥ សង្កាត់ផ្សារដើមថ្កូវ ខណ្ឌចំការមន ។

រហូតដល់ថ្ងៃទី២១ ខែតុលា ឆ្នាំ២០២២ កម្លាំងការិយាល័យប្រឆាំងគ្រឿងញៀន បានសហការជាមួយកម្លាំងអធិការដ្ឋាននគរបាលខណ្ឌចំការមន និងអាជ្ញាធរមូលដ្ឋានខណ្ឌច្បារអំពៅ ឆែកឆេរករណីជួញដូរគ្រឿងញៀន នៅចំណុចផ្ទះលេខ១១ផ្លូវមង្គល A ភូមិតាព្រំ សង្កាត់ព្រែកឯង ខណ្ឌច្បារអំពៅ ឃាត់ខ្លួនជនសង្ស័យម្នាក់ ឈ្មោះ នុត កែវសាវរ៉ា ភេទប្រុស អាយុ៣២ឆ្នាំ ជនជាតិខ្មែរ ។
ចម្លើយសារភាពរបស់ជនសង្ស័យឈ្មោះ នុត កែវសាវរ៉ា រួចមក នៅថ្ងៃទី២៣ ខែតុលា ឆ្នាំ២០២២ កម្លាំងជំនាញបានបន្តធ្វើការស្រាវជ្រាវឃាត់ខ្លនជនសង្ស័យចំនួនម្នាក់ទៀត ភេទប្រុស ជនជាតិខ្មែរ នៅចំណុចផ្លូវបេតុង ភូមិប្រការ សង្កាត់ព្រៃស ខណ្ឌដង្កោ ។

វត្ថុតាងដែលសមត្ថកិច្ចដកហូត បានរួមមាន ៖ ថ្នាំញៀនចំនួន១០,៦១៧គ្រាប់ ប្រភេទកញ្ចប់រូបសេះ ពណ៌ក្រហម ចំនួន០៩កញ្ចប់ (ប្រភេទអ៊ិចស្តាស៊ី (MDMA) ពណ៌ផ្កាឈូក ចំនួន៤,០០០គ្រាប់, ប្រភេទអ៉ិចស្តាស៊ី (MDMA) ពណ៌បៃតងខ្ចី ចំនួន៦,៦១៧គ្រាប់, ប្រភេទអ៉ិចស្តាស៊ី (MDMA) ពណ៌ក្រហមរូបសេះ ចំនួន ៩កញ្ចប់, ប្រភេទអ៉ិចស្តាស៊ី (MDMA) ម្ស៉ៅម៉ដ្ឋ ពណ៌ទឹកសមុទ្រ ទម្ងន់១១២.១៥ក្រាម, ប្រភេទមេតំហ្វេតាម៉ីន (Ice) ទម្ងន់២១៨.៧៥ក្រាម, ជញ្ជីងសម្រាប់ថ្លឹង ចំនួន០១គ្រឿង, រថយន្ត ចំនួន០១គ្រឿង និងម៉ូតូ០១គ្រឿង ។
ជនសង្ស័យ និងវត្ថុតាងនេះ ត្រូវបានកម្លាំងជំនាញ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវីធីច្បាប់៕