ឃាត់ខ្លួនមន្រ្តីយោធាម្នាក់ ក្រោយយកឈ្មោះលោកស្រី ហ៊ុន ស៊ីណាត ឆបោកយកប្រាក់ពីប្រជាពលរដ្ឋក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ

ឃាត់ខ្លួនមន្រ្តីយោធាម្នាក់ ក្រោយយកឈ្មោះលោកស្រី ហ៊ុន ស៊ីណាត ឆបោកយកប្រាក់ពីប្រជាពលរដ្ឋក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ

(ភ្នំពេញ)៖ ការឃាត់ខ្លួននេះ បានធ្វើឡើងនៅថ្ងៃទី២៧ ខែតុលា ឆ្នាំ២០២២ នៅខណ្ឌកំបូល រាជធានីភ្នំពេញ។ កម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខេត្តកោះកុង បានឃាត់ខ្លួនមន្រ្តីយោធាម្នាក់ តាមពាក្យបណ្តឹងរបស់លោកស្រី ហ៊ុន ស៊ីណាត ដោយចោទប្រកាន់ថា ជននេះបានយកឈ្មោះលោកស្រី ទៅឆបោកយកប្រាក់ពីប្រជាពលរដ្ឋក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ ខេត្តកោះកុង។
ការឃាត់ខ្លួននេះ ក៏បានធ្វើឡើងតាមដីកាបង្គាប់ឲ្យចាប់ខ្លួនពីសាលាដំបូងខេត្តកោះកុង។
តាមដីកាបង្គាប់ឲ្យចាប់ខ្លួន របស់សាលាដំបូងខេត្តកោះកុង បានឲ្យដឹងថា បុរសដែលត្រូវឃាត់ខ្លួននេះ ឈ្មោះ ម៉ៅ អ៊ូច ឬឈ្មោះ ម៉ៅ អ៊ុច ភេទប្រុស អាយុ៤២ឆ្នាំ (ទាហានការពារនៅព្រំដែនជើងគៅក ប្រចាំខេត្ដកោះកុង នៅវរៈ៣០៣) មានទីលំនៅបច្ចុប្បន្ន ស្រុកមណ្ឌល ខេត្តកោះកុង។

ឃាត់ខ្លួននេះដោយសារឈ្មោះ ម៉ៅ អ៊ុច បានយកឈ្មោះ លោកស្រី ហ៊ុន ស៊ីណាត ដើម្បីឆបោកយកប្រាក់ពីប្រជាពលរដ្ឋ ក្នុងភូមិសាស្ដ្រឃុំអណ្ដូងទឹក ស្រុកបូទុមសាគរ ខេត្តកោះកុង ដោយរូបគេ បានអះអាងជាមួយប្រជាពលរដ្ឋថា យកប្រាក់នេះមកជូនលោកស្រី ហ៊ុន ស៊ីណាត ដើម្បីឲ្យស្នើសុំកាត់ឆ្វៀលដី នៅក្នុងស្រុកបូទុមសាគរ ខេត្តកោះកុង៕