ឃាត់ខ្លួនជនសង្ស័យ២នាក់ និងដកហូតវត្ថុតាង ពាក់ព័ន្ធករណីគ្រឿងញៀន នៅខេត្តកណ្តាល

ឃាត់ខ្លួនជនសង្ស័យ២នាក់ និងដកហូតវត្ថុតាង ពាក់ព័ន្ធករណីគ្រឿងញៀន នៅខេត្តកណ្តាល

ខេត្តកណ្តាល)៖ ហេតុការណ៍នេះកើតឡើងនៅថ្ងៃទី ២៦ ខែ តុលា ឆ្នាំ២០២២ ចំណុចតាមផ្លូវ ភូមិត្រពាំងទួល ឃុំសំរោងលេី ស្រុកអង្គស្នួល ខេត្តកណ្តាល ។
ជនសង្ស័យចំនួន០២នាក់ប្រុសឃាត់ខ្លួន៖
១-ឈ្មោះ ណឺង ប៊ុនណាក់ ភេទប្រុស អាយុ៣៥ឆ្នាំ ជនជាតិខ្មែរ មុខរបរលក់បាយ-ម្ហូប ស្នាក់នៅផ្ទះជួលភូមិត្រពាំងទួល ឃុំសំរោងលេី ស្រុកអង្គស្នួល ខេត្តកណ្តាល ។
២-ឈ្មោះ ខឿន ខេមរា ហៅខែម ភេទប្រុស អាយុ៤០ឆ្នាំ ជនជាតិ ខ្មែរ មុខរបរ មិនពិតប្រាកដ ទីលំនៅភូមិព្រៃតាប៉ុក សង្កាត់ឪឡោក ខណ្ឌកំបូល រាជធានីភ្នំពេញ ។
វត្ថុតាងដកហូត៖
-ម្សៅក្រាមសថ្លាសង្ស័យសារធាតុញៀនចំនួន០១កញ្ចប់តូច
-ម៉ូតូ០១គ្រឿងម៉ាកtoday ពណ៌ខៀវ គ្មានផ្លាកលេខ
-ទូរស័ព្ទ ដៃ០២គ្រឿង (ណូគាចុចពិល)
-សម្ភារៈ ឧបករណ៍ ប្រេីប្រាស់ ថ្នាំញៀនមួយចំនួន។

តាមសមត្ថកិច្ចឲ្យដឹងថានៅវេលាម៉ោងកើតហេតុខាងលើកម្លាំងជំនាញស្រុក កៀនស្វាយ សហការជាមួយកម្លាំងប៉ុស្តិ៍នគរបាលរដ្ឋបាលសំរោងលេី បានចេញល្បាតតាមភូមិសាស្រ្តងាយរងគ្រោះប្រទះឃើញមុខសញ្ញាពីរនាក់ ដោយមានការសង្ស័យ ក៏ឃាត់សួរនាំ និងត្រួតពិនិត្យ រកឃេីញមានសារធាតុញៀន(ម៉ាទឹកកក) ១កញ្ចប់តូចនៅជាមួយឈ្មោះ ខឿន ខេមរា ហៅខែម។
ជនសង្ស័យទាំង២សារភាពថា ៖
ឈ្មោះ ណឺង ប៊ុនណាក់ ពិតជាបានលក់ថ្នាំញៀន១កញ្ចប់តូច តម្លៃ ៣០,០០០៛ (បីម៉ឺនរៀល) ឱ្យទៅឈ្មោះ ខឿន ខេមរា ហៅខែម ដេីម្បីយកទៅប្រេីប្រាស់។ ហេីយថ្នាំញៀននេះទិញមកពីជនមិនស្គាល់យកមកឱ្យដល់ផ្ទះ។
លទ្ធផលធ្វេីតេស្តទឹកនោមរកសារធាតុញៀន វិជ្ជមាន (+) ទាំង២នាក់។
ជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុកអង្គស្នួល ដើម្បីសាកសួរបន្តនិងកសាងសំណុំរឿងចាត់ការតាមនីតិវិធីច្បាប់៕