យុវជនយុវតីដ៏ស្រស់ស្អាត ៣នាក់ រងរបួសបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវយុវជន ៨នាក់ ជិះម៉ូតូ៤គ្រឿង ដេញកាប់ ធ្វើឲ្យភ័យចាប់ហ្វ្រាំងមិនជាប់ ក៏រអិលទៅបុកចូលហាងមួយកន្លែង បណ្តាលឲ្យរងការខូចខាត នៅភ្នំពេញ

យុវជនយុវតីដ៏ស្រស់ស្អាត ៣នាក់ រងរបួសបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវយុវជន ៨នាក់ ជិះម៉ូតូ៤គ្រឿង ដេញកាប់ ធ្វើឲ្យភ័យចាប់ហ្វ្រាំងមិនជាប់ ក៏រអិលទៅបុកចូលហាងមួយកន្លែង បណ្តាលឲ្យរងការខូចខាត នៅភ្នំពេញ

ភ្នំពេញ ៖ កាលពីថ្ងៃទី៣១ ខែតុលា ឆ្នាំ២០២២ នៅតាមបណ្តោយផ្លូវមហាវិថីព្រះសុធារស ចំណុចហាងសាច់អាំងបែបចិន ស្ថិតក្នុងសង្កាត់ទន្លេបាសាក់ ខណ្ឌចំការមន ។

មុនកើតហេតុ ពួកគេបានជិះម៉ូតូម៉ាក Honda Scoppy ពណ៌សផ្កាឈូក ពាក់ស្លាកលេខ ភ្នំពេញ 1JC.3472 ទើបតែចេញមកពីហាងញ៉ាំអីមួយកន្លែង ក្នុងគោលបំណងត្រឡប់ទៅផ្ទះវិញ ខណៈពេលដែលពួកគេធ្វើដំណើរទៅដល់ចំណុចសួនច្បារវត្តបុទុមវត្តី ក៏ស្រាប់តែលេចមុខក្រុមជនបង្ក ដែលមានគ្នាចំនួន៨នា ក់ជិះម៉ូតូ៤គ្រឿង ប្រដាប់ដោយកាំបិតបុ័ងតោគ្រប់ដៃ ជិះសំដៅទៅរកពួកគេ។

ជនរងគ្រោះបន្តថា ភ្លាមៗនោះ ពួកគេក៏បានបត់ម៉ូតូបកក្រោយ ដើម្បីជិះរត់គេចខ្លួន លុះមកដល់ចំណុចខាងមុខប៉ុស្តិ៍នគរបាលទន្លេបាសាក់ បំណងដើម្បីទៅប្រាប់កម្លាំងសមត្ថកិច្ចឲ្យជួយអន្តរាគម៍ ប៉ុន្តែស្របពេលនោះដោយសារតែបើកលឿនពេក ហើយណាមួយភ័យខ្លាចផងនោះ ក៏បានចាប់ហ្វ្រាំងរអិសដួលជ្រុលទៅបុកចំពីក្រោយកង់បីឥណ្ឌា ផ្នែកខាងស្តាំ រងការខូចខាត ចំណែកម៉ូតូវិញនៅមិនទាន់អស់ល្បឿន ក៏ជ្រុលទៅបុកចង្ក្រានអាំងសាច់ហាងចិនមួយកន្លែងបន្ថែមទៀត ធ្វើឱ្យរងការខូចខាត និងបណ្តាលឲ្យយុវតីចំនួន២នាក់រងរបួសធ្ងន់ធ្ងរ បន្ទាប់មកត្រូវបានរថយន្តដឹកបញ្ជូនទៅសង្គ្រោះបន្ទាន់ភ្លាមៗ។
សមត្ថកិច្ចធ្វើការស្រាវជ្រាវរកមុខជនបង្កយកមកផ្តន្ទាទោសតាមច្បាប់ ៕