បុរសម្នាក់ ស្រវឹងស្រាជោកជាំ បើករថយន្តមួយគ្រឿង បុកបង្គោលថ្មរបងផ្ទះប្រជាពលរដ្ឋ ខូចខាតយ៉ាងដំណំ និងរថយន្តដាច់កាឡេទៅមុខលែងរួច នៅភ្នំពេញ

បុរសម្នាក់ ស្រវឹងស្រាជោកជាំ បើករថយន្តមួយគ្រឿង បុកបង្គោលថ្មរបងផ្ទះប្រជាពលរដ្ឋ ខូចខាតយ៉ាងដំណំ និងរថយន្តដាច់កាឡេទៅមុខលែងរួច នៅភ្នំពេញ

ភ្នំពេញ ៖ ហេតុការណ៍នេះបង្កឡើងកាលពី យប់ថ្ងៃទី ០២ខែវិច្ឆិកាឆ្នាំ២០២២ នៅតាមបណ្ដោយផ្លូវបេតុងស្ថិតក្នុងភូមិឫស្សី សង្កាត់ស្ទឹងមានជ័យទី២ ខណ្ឌមានជ័យ ។

នៅមុនពេលកើតហេតុគេបានឃើញបុរសមិនស្គាល់ឈ្មោះម្នាក់ បើករថយន្តម៉ាកFord Ranger ពណ៌សពាក់ស្លាកលេខកម្ពុជា Sonsakun ធ្វើដំណើរតាមបណ្ដោយផ្លូវបេតុង ចេញពីក្នុងភូមិឫស្សី ឆ្ពោះទៅទិសខាងលិច។

ខណៈមកដល់ចំណុចកើតហេតុក៏បានរេចង្កូតទៅខាងស្ដាំដៃជ្រុលបុកបង្គោលថ្មរបងផ្ទះប្រជាពលរដ្ឋបណ្ដាលឲ្យរងការខូចខាត។ ចំណែករថយន្តដាច់កាឡេទៅមុខលែងរួច តែសំណាងល្អមិនមានអ្នករងរបួសនោះទេ ។
ក្រោយកើតហេតុម្ចាស់រថយន្តបានចុះពីលើរថយន្តហើយគេចខ្លួនបាត់ស្រមោលតែម្តង ដោយបន្សល់ទុករថយន្តនៅនឹងកន្លែងកើតហេតុ ត្រូវបានកម្លាំងសមត្ថកិច្ចមូលដ្ឋាន ទាក់ទងទៅកម្លាំងជំនាញស្ទូចយករថយន្តខាងលើទៅរក្សាទុករង់ចាំធ្វើការដោះស្រាយនៅពេលក្រោយ៕