លរដ្ឋកម្ពុជា បង្ហាញពីក្តីរំភើបរីករាយ និងមានមោទកភាព ដែលកម្ពុជាបានរៀបចំព្រឹត្តិការណ៍ មួយនេះ បានយ៉ាងអស្ចារ្យ និងរលូនលរដ្ឋកម្ពុជា បង្ហាញពីក្តីរំភើបរីករាយ និងមានមោទកភាព ដែលកម្ពុជាបានរៀបចំព្រឹត្តិការណ៍ មួយនេះ បានយ៉ាងអស្ចារ្យ និងរលូន

ភ្នំពេញ៖ គួរបញ្ជាក់ថា កាលពីថ្ងៃទី៥ ខែឧសភា ឆ្នាំ២០២៣ កន្លងមក កម្ពុជា បានបើកពិធី ព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ដែលកម្ពុជាធ្វើជាម្ចាស់ផ្ទះ នៅពហុកីឡាដ្ឋានជាតិ មរតកតេជោ ។

បន្ទាប់ពីកម្ពុជា បានធ្វើជាម្ចាស់ផ្ទះ និងពិសេស ក្នុងព្រឹត្តិការណ៍ បើកស៊ីហ្គេមលើកទី៣២ នាពេលថ្មីៗ កន្លងមក បានធ្វើឱ្យពលរដ្ឋកម្ពុជា ក៏ដូចជា យុវជនមួយចំនួន បង្ហាញពីក្តីរំភើបរីករាយ និងមានមោទកភាព ដែលកម្ពុជាបានរៀបចំព្រឹត្តិការណ៍ មួយនេះ បានយ៉ាងអស្ចារ្យ និងរលូន ដែលជាកម្រិត ដ៏កំពូលមួយ គួរឱ្យស្ងប់ស្ងែង។
ពលរដ្ឋកម្ពុជា បានចាត់ទុកថា ព្រឹត្តិការណ៍នេះ មិនត្រឹមតែបង្ហាញពីភាពអស្ចារ្យរបស់ កម្ពុជាទេ តែវាក៏បានបង្ហាញពីភាពសម្បូរបែបរបស់កម្ពុជា និងពិសេសជាងនេះ គឺការបង្ហាញពីកីឡា សិល្បៈវប្បធម៌ អរិយធម៌ដ៏កំពូលរបស់កម្ពុជាទៀតផង។
ទាក់ទិននឹងភាពជោគជ័យ និងក៏ដូចជាបង្ហាញពីការអបអរសាទរ ដែលកម្ពុជាធ្វើបាន យ៉ាងល្អ ក្នុងនាមជាម្ចាស់ផ្ទះរៀបចំ ការប្រកួតកីឡាស៊ីហ្គេមលើកទី៣២ នេះ កញ្ញា រឿន ស្រីមុំ រស់នៅរាជធានីភ្នំពេញ បានបញ្ជាក់ប្រាប់ថា រូបកញ្ញា ពិតជាពេញចិត្ត និងមោទកភាពប្រទេសកម្ពុជា ដែលបានធ្វើជាម្ចាស់ផ្ទះ នៃការប្រកួតកីឡាស៊ីហ្គេម ជាថ្មីម្តងទៀត បន្ទាប់ពីខកខានចំនួន ៦៤ ឆ្នាំកន្លងមក។ ខណៈពេលនេះ ពលរដ្ឋកម្ពុជា បានរួមគ្នាជាធ្លុងមួយ ក្នុងការលើកតម្កើង និងលើកស្ទួយកីឡាកម្ពុជា ក្នុងការប្រកួតក្នុងព្រឹត្តិការណ៍ដ៏ធំអស្ចារ្យ ប្រចាំតំបន់អាស៊ីអាគ្នេយ៍មួយនេះ ។

កញ្ញា ទ្រី ម៉ាឡាកា ជាយុវនិស្សិតរៀន នៅសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច ឆ្នាំទី១ នារាជធានីភ្នំពេញ ដែលកំពុងគាំទ្រកីឡាកម្ពុជា ដោយបានកាន់នូវទង់ជាតិ ព្រះរាជាណាចក្រកម្ពុជា ជាប់នឹងដៃ ជាមួយក្រុមមិត្តភក្តិ ដទៃទៀត បានបង្ហាញពីអារម្មណ៍ផ្ទាល់ខ្លួន ឱ្យដឹងក្នុងពហុកីឡដ្ឋានជាតិអូឡាំពិកថា ”តាមរយៈការប្រកួតកីឡាស៊ីហ្គេមនេះ មានភ្ញៀវអន្តរជាតិ ជាច្រើនចូលរួម។ ខ្ញុំគិតថា វាបានធ្វើឱ្យជនបរទេស កោតសរសើរ និងពិសេសបានយល់ដឹង ពីប្រវត្តិសាស្រ្តខ្មែរ កាន់តែច្រើនដែលធ្វើឱ្យកម្ពុជា គេកាន់តែស្គាល់ច្រើនឡើង លើឆាកអន្តរជាតិ”។
ដោយឡែក លោក ពា វុឌ្ឍី ពលរដ្ឋមួយរូបទៀត រស់នៅរាជធានីភ្នំពេញ បានលើក ឡើងជុំវិញការបើកព្រឹត្តិការណ៍ស៊ីហ្គេម លើកទី៣២ កន្លងមកថា ”ព្រឹត្តិការណ៍នេះ ពិតជាអស្ចារ្យណាស់ ពីព្រោះថា តាំងតែពីកើតមក ខ្ញុំពុំធ្លាប់បានឃើញព្រឹត្តិការណ៍ ដ៏អស្ចារ្យបែបនេះទេ។ អាចចាត់ទុកថា សំណាងដែរ ដែលយើងកើតទាន់ជំនាន់នេះ ហើយបានឃើញការរៀបចំស៊ីហ្គេមដ៏អស្ចារ្យរបស់កម្ពុជាយើង”។

យុវនារី យឿង ណាវី បានបង្ហាញពីអារម្មណ៍ នៃការបើកពិធីព្រឹត្តិការណ៍កីឡាស៊ីហ្គេម លើកទី៣២ និង អាស៊ានប៉ារ៉ាហ្គេម លើកទី១២ដែរថាៈ កញ្ញាពិតជាមានអារម្មណ៍ រំភើបខ្លាំងមែនទែន ពីព្រោះថា វាជាទិដ្ឋភាពអស្ចារ្យខ្លាំងណាស់ដោយមិននឹកស្មានថា កម្ពុជាយើងអាចដើរដល់ចំណុចមួយខ្លាំង និងអាចធ្វើអ្វីៗបាន មិនចាញ់បណ្តា ប្រទេសជឿនលឿន នោះសោះឡើយ។
សូមរំលឹកដែរថា ការប្រកួតកីឡាស៊ីហ្គេម លើកទី៣២ នៅកម្ពុជា នឹងប្រព្រឹត្ដទៅ ចាប់ពីថ្ងៃទី៥ ដល់ថ្ងៃទី១៧ ខែឧសភា ឆ្នាំ២០២៣។ រីឯការប្រកួតកីឡាអាស៊ាន ប៉ារ៉ាហ្គេម លើកទី១២ នៅកម្ពុជា ចាប់ផ្ដើមការប្រកួតពីថ្ងៃទី ៣-០៩ ខែមិថុនា ឆ្នាំ២០២៣៕