លេចចេញដំណឹងចុងក្រោយថា ពួកគេទទួលយកតំណក់ឈាមរួមគ្នា ហើយមុនពេលពិធីមង្គលការ

ភ្នំពេញ៖ ចាប់អារម្មណ៍មុននេះ ជាថ្មីក្រោយពីការបង្ហាញភាពផ្អែមល្ហែមនឹងគ្នាចាក់ទឹកមិនលិចនោះស្រាប់តែគេលេចចេញដំណឹងចុងក្រោយថា ពួកគេទទួលយកតំណក់ឈាមរួមគ្នាហើយមុនពេលពិធីមង្គលការបានមកដល់។

គេដឹងថាគូរស្នេហ៍តារាចម្រៀង ថុល សុភិទិ និងស្រីស្អាតលក់អនឡាញមេម៉ាយកូនមួយ ឡុងម៉ាននីន ដែលតែងតែ បញ្ចេញភាពផ្អែមល្ហែម យ៉ាងស្អិតរមួត ជាពិសេសពួកគេចូលចិត្ត បញ្ចេញ ភាពផ្អែមល្ហែមយ៉ាងបេីកចំហរនៅក្នុងបណ្តាញសង្គម ដោយមិនខ្លាចធ្លាក់ ប្រជាប្រិយភាព នោះឡេីយ។ ដោយចាប់តាំងពីប្រលងចម្រៀងក្នុងកម្មវិធី Cambodia idol រួច ថុល សុភិទិ មិនបានលាក់បាំងអំពីទំនាក់ទំនងខ្លួន ជាមួយគូរស្នេហ៍នោះឡេីយ ដែលការបង្ហាញដោយបេីកចំហរនេះ ក៏បានស្រាយមន្ទិលសង្ស័យទំនាក់ទំនងស្នេហ៍ជាមួយតារាចម្រៀង ពេជ្រ សូលីកា ផងដែរ។ រហូតនៅមុននេះមានការភ្ញាក់ផ្អេីលខ្លាំងតែម្តង បន្ទាប់ពីអ្នកលក់អនឡាញ ឡុង ម៉ានីន បានបញ្ចេញរូបភាពនាង កំពុងតែមានផ្ទៃពោះ តែមិនដឹងថាប៉ុន្មានខែនោះឡេីយ ដោយនាងបានអោយក្រុមអ្ន្កកគាំទ្រ ទស្សទាយទៅវិញថា កូននាងបាន ប៉ុន្មានខែហេីយ។ ដោយឡែក ថុល សុភិទិ វិញ ក៏បានចែករំលែករូបភាពគូរស្នេហ៍ខ្លួន ហេីយភ្ចាប់សារ Mommy ដែលបញ្ចាក់កាន់តែច្បាស់ ថា គូរស្នេហ៍លោកកំពុងតែមានផ្ទៃពោះ។

ជុំវិញដំណឹងដ៏ល្អនេះ ត្រូវបានក្រុមអ្នកគាំទ្រ ក៏ដូចជាអ្នកលេងបណ្តាញសង្គម ជូនពរ ព្រោងព្រាតអោយម៉ាក់ៗ ស្រីស្អាត ឡុង ម៉ានីននិងកូនក្នុងផ្ទៃ មានសុខភាពល្អ ហេីយចង់ឃេីញគូរស្នេហ៍នេះឆាប់មានដំណឹងល្អចូលរោងការជាមួយគ្នាឆាប់ៗផងដែរ។

ក្រោយពីបញ្ចប់ការប្រគួតចម្រៀង Cambodian Idol តារាចម្រៀង ថុល សុភិទិ មានភាពលេចធ្លោរខ្លាំងបើទោះបីជាមិនទទួលបានពានក្តី។ ក្លាយជាតារាចម្រៀងកុងត្រាក្នុងផលិតកម្មជួរមុខនៅកម្ពុជាមែន ប៉ុន្តែជីវិតឯកជនភាគច្រើនរបស់តារាចម្រៀងរូបនេះ ហាក់មិនបានបិទភ្ជិតឡើយ រហូតលោកក្លាហានហ៊ានបញ្ចេញដំណឹងចំណងស្នេហាក្រៅឆាកជាមួយអ្នកជំនួញអនឡាញ ឡុងម៉ានីន ដែលគេស្គាល់ដែរថាជាអ្នកជំនួញវ័យក្មេងមានធនធានក្រាស់ក្រែល និងតែងបង្ហាញភាពផ្អែមល្ហែមខ្លាំងថែមទៀតផង។ ដំណឹងមានកូនជាតំណក់ឈាមរួមគ្នានេះនឹងកាន់តែធ្វើឲ្យស្នេហារបស់ពួកគេកាន់តែរឹងមាំ បើទោះបីជាពួកគនៅវ័យក្មេង និងមិនទាន់ឆ្លងកាត់ការរៀបការក្តី៕