Southampton ខិតជិតចុះកិច្ចសន្យាតម្លៃ ៧លានផោន ជាមួយខ្សែប្រយុទ្ធ Brereton Diaz

(ឡុងដ៍)៖ Southampton ខិតជិតនឹងចុះកិច្ចសន្យាជាមួយខ្សែប្រយុទ្ធ Ben Brereton Diaz មកពីក្លិបអេស្ប៉ាញ Villarreal។ នេះបើយោងតាមសារព័ត៌មាន CNA ចេញផ្សាយនៅថ្ងៃទី៣០ ខែកក្កដា ឆ្នាំ២០២៤។
កីឡាករវ័យ ២៥ឆ្នាំរូបនេះ ត្រូវបានគេរំពឹងថា នឹងផ្លាស់ទៅក្លិប Southampton ដើម្បីបញ្ចប់ការលេងរយៈពេលខ្លីនៅប្រទេសអេស្ប៉ាញ។
លោកបានផ្លាស់ទៅក្លិប Villarreal កាលពីរដូវក្តៅមុន បន្ទាប់ពីចាកចេញពីក្លិប Blackburn ក្រោយពី ៥ឆ្នាំលេងនៅក្លិបនេះ។
កីឡាករសញ្ជាតិឈីលីរូបនេះ មានផលវិបាកក្នុងការសម្របខ្លួនលេងក្នុងក្លិបនៅលីគ La Liga។ លោកមិនអាចរកគ្រាប់បាល់បាននោះទេ ក្នុងការបង្ហាញខ្លួន ២០លើក សម្រាប់ Villarreal បើទោះបីជាបានស្ថិតនៅក្នុងជម្រើស ១១នាក់ដំបូងចំនួន ៦លើកក៏ដោយ។
សូមជម្រាបថា Southampton បានឡើងទៅលេងនៅលីគកំពូលអង់គ្លេស Premier League វិញ កាលពីរដូវកាលមុន៕