រថយន្តមួយគ្រឿងក្រឡាប់ បណ្ដាលឱ្យអ្នកបើកបររងរបួស ស្រុកកំពង់រោទិ៍

ស្វាយរៀង ៖ នៅ ថ្ងៃទី ២៤ខែតុលាឆ្នាំ២០២៤ ករណីគ្រោះថ្នាក់ចរាចរណ៍មួយបានកើតឡើង ដោយរថយន្តធុនធំក្រឡាប់ដោយខ្លួនឯង ទិសដៅពីត្បូងទៅជើង នៅចំណុចភូមិត្រពាំងឆ្លូញ ឃុំញរ ស្រុកកំពង់រោទិ៍ ខេត្តស្វាយរៀង នៅលើផ្លូវ ៣១៤D ចន្លោះបង្គោលគីឡូម៉ែត្រលេខ១០-១១ បណ្ដាលឱ្យតែកុងរថយន្តរងរបួស ។
រថយន្តធុនធំ ម៉ាក ហុីយិនដាយ ពណ៌ស ពាក់ស្លាកលេខ ភ្នំពេញ 3E-3046 បើកបរដោយឈ្មោះ ភិន សុភាក់ ភេទប្រុស អាយុ ៣០ឆ្នាំ មុខរបរ អ្នកបើកបរ មានទីលំនៅខេត្តតាកែវ មានរបួសស្រាល ត្រូវបានបញ្ជូនទៅព្យាបាលរបួសនៅមន្ទីរពេទ្យឯកជនស្រុកកំពង់រោទិ៍។
សមត្ថកិច្ចបានបញ្ជាក់ថាមូលហេតុ រថយន្តធុនធំក្រឡាប់នេះគឺបណ្ដាលមកពី គេចរថយន្តតូចមិនស្គាល់អត្តសញ្ញាណដែលជិះបញ្ច្រាស់ទិសគ្នា។
ប្រភពសុំមិនបញ្ចេញឈ្មោះ បានប្រាប់ថាចំពោះរថយន្តធុនធំដែលក្រឡាប់នេះសង្ស័យ ដឹកសាច់បង្កចូលមកប្រទេសកម្ពុជា ។
រថយន្តធុនធំ កំពុងស្ទូចចេញពីចេញពីកន្លែងកើតហេតុ ដោយសមត្ថកិច្ចមិនបានបញ្ជាក់ថាយកទៅទីណានោះទេ ហើយក៏មិនបញ្ជាក់ថាចំពោះរថយន្តមួយគ្រឿងដែលក្រឡាប់នេះដឹកទំនិញអ្វីនោះដែរ ៕