អគ្គិភ័យឆាបឆេះរោងចក្រផលិតក្រដាសឡាំង 2កន្លែង យ៉ាងសន្ធោសន្ធៅ បង្កការភ្ញាក់ផ្អេីលដល់សមត្ថកិច្ច

ភ្នំពេញ ៖ កាលពី ថ្ងៃទី ២៥ ខែតុលា ឆ្នាំ២០២៤ អគ្គិភ័យបានឆាបឆេះរោងចក្រផលិតក្រដាសឡាំង ពីរកន្លែងយ៉ាងសន្ធោសន្ធៅបង្កការភ្ញាក់ផ្អេីលដល់សមត្ថកិច្ចនិងក្រុមរថយន្តពន្លត់អគ្គិភ័យចុះមកអន្តរាគមន៍ភ្លាមៗ ត្រង់ចំណុចរោងចក្រ ដែលមានយីហោ ជីងយូ និង ឃ្លាំងស្តុបកាតុង ជិនយូ ហ្វេង ភែកឃីង ខាថិន ស្ថិតនៅ ភូមិ ព្រៃស្ពឺ សង្កាត់ ចោមចៅទី២ ខណ្ឌ ពោធិ៍សែនជ័យ រាជធានីភ្នំពេញ។

ប្រភពព័ត៌មានបានបញ្ជាក់ថា ទីតាំងរោងក្រនេះ មានទំហំ ៤០ម៉ែត្រ និងបណ្តោយ៤៨ម៉ែត្រ ដូចគ្នា។

មុនកើតហេតុគេឮមានសំឡេងផ្ទុះ២ទៅ៣ដង ប៉ុន្តែពួកគាត់មិនបានចាប់អារម្មណ៍ ។ ខណៈសំឡេងផ្ទុះស្ងាត់ទៅ ក៏ស្រាប់តែកើតមានឡើងនូវក្លិនឈ្ងៀមផ្សែងហុយខ្មៅ កើតចេញជាអណ្តាតភ្លើងយ៉ាងសន្ធោសន្ធៅពីក្នុងរោងចក្រ បង្កឱ្យមានការឆោរឡោ ផ្អើលពលរដ្ឋប្រញាប់រាយការណ៍ជូនសមត្ថកិច្ចជំនាញពាក់ព័ន្ធភ្លាមៗផងដែរ ដើម្បីបង្ការជៀសវាងមានការឆេះរាលដាលទៅកាន់ឃ្លាំងដទៃផ្សេងទៀត ។
ក្រោយពីទទួលព័ត៌មានភ្លាម ក្រុមរថយន្តពន្លត់អគ្គិភ័យគ្រប់អង្គភាពបានចុះមកដល់ទីតាំងកន្លែងកេីតហេតុ។
អគ្គិភ័យនេះបានឆាបឆេះនូវរោងចក្រនេះ ២ទីតាំងជាប់គ្នាទាំងស្រុង រហូតមកដល់វេលាម៉ោង៧និង២៥នាទីព្រឹក ថ្ងៃទី២៥ ទេីបអាចគ្រប់គ្រងបានជាស្ថាពរ ដោយប្រេីប្រាស់រថយន្តពន្លត់អគ្គិភ័យជាច្រេីនគ្រឿង ចំពោះមូលហេតុបណ្តាលមកពីឆ្លងចរន្តអគ្គិសនីចេញពីម៉ាស៊ីន៕