បង្ក្រាប និងត្រួតពិនិត្យទីតាំងម៉ាស្សាមួយកន្លែង ស្ថិតនៅភូមិដូងជ្រុំ សង្កាត់ព្រៃញី ឃា..ត់ខ្លួនជនស..ង្ស័យចំនួន០៤នាក់ និងចាប់យកវត្ថុតាងជាសារធាតុញៀន

ខេត្តពោធិ៍សាត់ ៖ បង្ក្រាប និងត្រួតពិនិត្យទីតាំងម៉ាស្សាមួយកន្លែង ស្ថិតនៅភូមិដូងជ្រុំ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ បានឃាត់ខ្លួនជនសង្ស័យចំនួន០៤នាក់ និងចាប់យកវត្ថុតាងជាសារធាតុញៀន មួយចំនួន ។

កាលពី រសៀលថ្ងៃទី២៤ ខែតុលា ឆ្នាំ២០២៤ ដោយយោងតាមបទបញ្ជាផ្ទាល់របស់លោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ បានបញ្ជាអោយកម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ ដឹកនាំដោយលោកវរសេនីយ៍ទោ ប៉ុន រតនា អធិការរង នៃអធិការដ្ឋាននគរបាលក្រុងពោធិ៍សាត់ សហការជាមួយប៉ុស្ដិ៍នគរបាលរដ្ឋបាលព្រៃញី ធ្វើការចុះបង្ក្រាប ករណីគ្រឿងញៀនមួយកន្លែង ស្ថិតនៅផ្ទះឈ្មោះ ជេត វណ្ណី ភេទស្រី អាយុ២៨ឆ្នាំ ស្ថិតនៅភូមិដូងជ្រុំ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ចាប់បានជនសង្ស័យចំនួន ០៤នាក់ រួមមាន ៖
១. ឈ្មោះ ប៉ិន តុលា ភេទប្រុស អាយុ២៧ឆ្នាំ មុខរបរមិនពិតប្រាកដ រស់នៅភូមិសំរោង ឃុំកញ្ជរ ស្រុកកណ្ដៀង ខេត្តពោធិ៍សាត់ ។ អ្នករក្សាទុក ចែកចាយ និងប្រើប្រាស់ នូវសារធាតុញៀន (លទ្ធផលតេស្តស្វែងរកសារធាតុញៀនក្នុងទឹកនោមលទ្ធផល វិជ្ជមាន) ។
២. ឈ្មោះ យិន រតនា ភេទប្រុស អាយុ១៨ឆ្នាំ មុខរបរមិនពិតប្រាកដ រស់នៅភូមិក្រាំងធំ ឃុំអូរសណ្ដាន់ ស្រុកក្រគរ ខេត្តពោធិ៍សាត់ ។ អ្នកប្រើប្រាស់ នូវសារធាតុញៀន (លទ្ធផលតេស្តស្វែងរកសារធាតុញៀនក្នុងទឹកនោមលទ្ធផល វិជ្ជមាន) ។
៣. ឈ្មោះ ហម ពេជ្រ ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិបឹងក្រាញ់ ឃុំកញ្ជរ ស្រុកកណ្ដៀង ខេត្តពោធិ៍សាត់ ។ អ្នកប្រើប្រាស់នូវសារធាតុញៀន (លទ្ធផលតេស្តស្វែងរកសារធាតុញៀនក្នុងទឹកនោមលទ្ធផល វិជ្ជមាន) ។
៤. ឈ្មោះ ជេត វណ្ណី ភេទស្រី អាយុ២៨ឆ្នាំ មុខរបរម៉ាស្សា រស់នៅភូមិក្រាំងតាសែន សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់ ។ អ្នកសម្រួលទីតាំង និងប្រើប្រាស់ដោយខុសច្បាប់ នូវសារធាតុញៀន (លទ្ធផលតេស្តស្វែងរកសារធាតុញៀនក្នុងទឹកនោមលទ្ធផលវិជ្ជមាន) ។
វត្ថុតាងចាប់យកបាន រួមមាន ៖
-ទូរសព្ទចំនួន ០១គ្រឿង (ម៉ាកinfinix ពណ៌ទឹកសមុទ្រ)
-ម្សៅក្រាមពណ៍សថ្លា សង្ស័យជាសារធាតុញៀន ចំនួន ១១កញ្ជប់ ទម្ងន់សរុប ៣១,៧៨ ក្រាម (គិតសាច់ថ្នាំសុទ្ធ)
-អំពូលកែច្នៃសម្រាប់ជក់ថ្នាំចំនួន ០៦អំពូល
-ថង់សម្រាប់ច្រកថ្នាំញៀនមួយចំនួន
-ដែកកេះកែច្នៃសម្រាប់ជក់ថ្នាំញៀនចំនួនមួយ
-ម៉ូតូហុងដាឌ្រីមសង់ ឆ្នាំ២០២២ ចំនួន ០១គ្រឿង ពណ៍ក្រហម ស្លាកលេខ (ពោធិ៍សាត់ 1K-0178)
-កញ្ជប់បារី ចំនួន ០១កញ្ជប់
-ឧបករណ៍ប្រើប្រាស់គ្រឿងញៀនចំនួន ០១កប្លេ
-ទុយោសម្រាប់ចូកគ្រឿងញ្ញៀនចំនួន ០១ដើម ។
ជនសង្ស័យទាំង០៤នាក់ រួមជាមួយវត្ថុតាង ត្រូវបានឃាត់ខ្លួន និងរក្សាទុកនៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធី ៕