បេសកកម្មការងារនៅប្រទេសចិន, អគ្គនាយកគយកម្ពុជា ចាប់អារម្មណ៍លើការប្រើប្រាស់ AI ក្នុងប្រព័ន្ធត្រួតពិនិត្យទំនិញដោយម៉ាស៊ីនស្គែន ដើម្បីទប់ស្កាត់អំពើរត់គេចពន្ធ និងបន្លំពន្ធ

(ចិន)៖ តបតាមការអញ្ជើញរបស់ក្រុមហ៊ុន NUCTECH Company Limited (NUCTECH) និងក្រុមហ៊ុន China Tourism Group (CTG) បណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានដឹកនាំគណៈប្រតិភូនៃអគ្គនាយកដ្ឋានគយ និងរដ្ឋាករកម្ពុជា (អគរ) ទៅបំពេញទស្សនកិច្ចចាប់ពីថ្ងៃទី១៣ ដល់ថ្ងៃទី២៤ ខែតុលា ឆ្នាំ២០២៤ នៅសាធារណរដ្ឋប្រជាមានិតចិន និងតំបន់រដ្ឋបាលពិសេសហុងកុង ប្រទេសចិន។

ក្នុងដំណើរបេសកកម្មនេះ គណៈប្រតិភូ អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានជួបប្រជុំជាមួយតំណាងក្រុមហ៊ុន NUCTECH ដែលជាក្រុមហ៊ុនដៃគូដ៏សំខាន់របស់ អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ក្នុងការបំពាក់និងថែទាំសម្ភារៈបច្ចេកវិទ្យាគាំទ្រ ដល់ប្រតិបត្តិការគយ ជាពិសេសបច្ចេកវិទ្យាត្រួតពិនិត្យទំនិញ និងសន្តិសុខ ៕