បុរសម្នាក់ ស//ង្ស័យងងុយដេកបើករថយន្ដទៅបុករបាំងថ្មពុះចែកទ្រូងផ្លូវ

ភ្នំពេញ ៖ នៅយប់ ថ្ងៃទី២៩ ខែតុលា ឆ្នាំ២០២៤ បុរសម្នាក់បើករថយន្ត Toyota Prius ជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹងបណ្តាលឲ្យរងការខូចខាត១កង់ ឯរថយន្តខ្ទេចស្ទេីរមួយកំណាត់មុខ ទីតាំងកើតហេតុ ស្ថិតនៅតាមបណ្តោយផ្លូវជាតិលេខ៥ ស្ថិតក្នុងសង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។

មុនពេលកើតហេតុ គេបានឃើញបុរសម្នាក់ បានបើកបររថយន្តម៉ាក Toyota Toyota ពណ៌ទឹកប្រាក់ ពាក់ផ្លាកលេខ ភ្នំពេញ 2AV-9970 រួមដំណើរជាមួយកូនស្រីម្នាក់ បានធ្វើដំណើរតាមបណ្តោយផ្លូវជាតិលេខ៥ ទិសដៅពីជើងទៅត្បូង លុះមកដល់ចំណុចកើតហេតុ ម្តុំសួនច្បារផ្លូវជាតិលេខ៥ រថយន្តក៏បានរេចង្កូតទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឲ្យបាក់អស់១កង់ចេញក្រៅ ចំណែករថយន្តបង្កបានរងការខូចខាតផ្នែកខាងមុខយ៉ាងដំណំ ។ តែក្នុងហេតុការណ៍គ្រោះថ្នាក់ចរាចរណ៍នេះមិនបណ្ដាលឲ្យមានអ្នកណារងរបួសឡើយ។

សមត្ថកិច្ចជំនាញចរាចរណ៍ ដើម្បីចុះមកធ្វើការវាស់វែង និងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តចូលខ្លួនទៅដោះស្រាយតាមនីតិវិធីច្បាប់ ៕