បុរសម្នាក់ សង្ស័យស្រវឹង បើករថយន្តក្នុងល្បឿនលឿន ដល់ផ្លូវកោងបត់មិនទាន់ បុករះចូលកន្លែងលក់គ្រឿងសមុទ្រ បណ្ដាលឲ្យខូចខាតរថយន្តមួយគ្រឿងទៀត

ភ្នំពេញ ៖ ហេតុការណ៍នេះបានកេីតឡេីងនៅថ្ងៃទី០២ ខែវិច្ឆិកា ឆ្នាំ២០២៤ ស្ថិតតាមបណ្ដោយផ្លូវ២៧១ សង្កាត់អូរបែកក្អម ខណ្ឌសែនសុខ រាជធានីភ្នំពេញ។

បុរសម្នាក់សង្ស័យស្រវឹងបានបើករថយន្តក្នុងល្បឿនលឿនដល់ផ្លូវកោងបត់មិនទាន់បុករះចូលកន្លែងលក់គ្រឿងសមុទ្របណ្ដាលឲ្យខូចខាតរថយន្តមួយគ្រឿងទៀត។

មុនពេលកើតហេតុគេបានឃើញរថយន្តមួយគ្រឿងម៉ាក LAND CRUISER ពណ៌ក្រហម ពាក់ផ្លាកលេខ ភ្នំពេញ 2E-6941 បើកបរដោយបុរសម្នាក់វ័យប្រហែល៥០ឆ្នាំជាង តែម្នាក់ឯងក្នុងទិសដៅពីជើងមកត្បូងក្នុងល្បឿនលឿនលុះមកដល់ចំណុចកើតហេតុផ្លូវកោង បួងចង្កូតមិនទាន់បានជ្រុលទៅបុករថយន្ដ Fortuner ពណ៌ស ពាក់ផ្លាកលេខ ភ្នំពេញ 2BB-9956 ដែលចដែលចតចោលមុខផ្ទះរួចរថយន្តមិនទាន់អស់ល្បឿនក៏ជ្រុលបុកចូលហាងលក់គ្រឿងសមុទ្របន្ថែមបណ្ដាលឲ្យរងការខូចខាត។
បើតាមការបញ្ចាក់ពីម្ចាស់ហាងបានឲ្យដឹងថា បុរសនេះ ដែលបើករថយន្តបុករះខាងលើនេះ ពេលបង្កគ្រោះចរាចរណ៍រួចត្រូវបានបុគ្គលិកនឹងអ្នកធើ្វដំណើរជួយឃាត់ប្រគល់ជូនសមត្ថកិច្ច ដោយពេលចុះពីលើរថយន្តមានក្លិនស្រា ។

សមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌសែនសុខ ចុះមកធ្វើការវាស់វែងយករថយន្តទៅរក្សាទុករង់ចាំការដោះស្រាយនៅពេលក្រោយ ៕