បង្រ្កាបករណីជួញដូរដោយខុសច្បាប់ នូវសារធាតុញៀន ឃា..ត់ខ្លួនជនស..ង្ស័យម្នាក់

កំពង់ចាម ៖ នៅ ថ្ងៃទី០២ ខែវិច្ឆិកា ឆ្នាំ ២០២៤ កម្លាំងជំនាញកងរាជអាវុធហត្ថខេត្តកំពង់ចាម សហការជាមួយកម្លាំង មូលដ្ឋានកងរាជអាវុធហត្ថស្រុកបាធាយ និងស្រុកជើងព្រៃ ដឹកនាំដោយលោក វរសេនីយ៍ទោ ឆាយ រ៉ង មេបញ្ជាការរង កងរាជអាវុធហត្ថខេត្តកំពង់ចាម ទទួលការងារគ្រឿងញៀន បានចុះបង្រ្កាបករណីជួញដូរដោយខុសច្បាប់នូវសារធាតុញៀន ស្ថិតនៅចំណុចភូមិបាកាល ឃុំផ្អាវ ស្រុកបាធាយ ខេត្តកំពង់ចាម។ លទ្ធផល ឃាត់ខ្លួនជនសង្ស័យបាន០១នាក់ ភេទប្រុស
ព្រមទាំងចាប់យកវត្ថុតាងដែលពាក់ពន្ធ័រួមមាន ៖
– ម្សៅក្រាមពណ៌សថ្លាចំនួន០៧ កញ្ចប់ (កញ្ចប់ធំ ចំនួន០២កញ្ចប់ )ទម្ងន់ ៥២.៧៥ក្រាម ថ្លឹងទាំងសំបកថង់
– ទូរសព្ទដៃចំនួន០២គ្រឿង
– ម៉ូតូ០១គ្រឿង
– សម្ភារៈប្រើប្រាស់គ្រឿងញៀន និងថង់ផ្លាស្ទិចសម្រាប់ច្រកគ្រឿងញៀនមួយចំនួន។
– ជញ្ជីងអេឡិចត្រូនិចសម្រាប់ថ្លឹងគ្រឿងញៀន០១គ្រឿង។
ជនសង្ស័យនិងវត្ថុតាង ខាងលើ កម្លាំងជំនាញបាន បញ្ជូនមកបញ្ជាការដ្ឋានកងរាជអាវុធហត្ថខេត្តកំពង់ចាម ដើម្បី កសាងសំណុំរឿងបញ្ជូនទៅតុលាការ ចាត់ការតាមនីតិវិធីច្បាប់ ៕