បញ្ជូនខ្លួនអ្នកបើករថយន្តរបស់ក្រុមហ៊ុនកាសុីណូឈ្មោះយ៉ាឌូលី ទៅសាលាដំបូងខេត្តព្រះសីហនុករណីបើករថយន្តបុកស្រ្តី២នាក់រងរបួសយ៉ាងធ្ង//ន់

ព្រះសីហនុ៖ កាលពីថ្ងៃទី០៤ ខែវិច្ឆិកា ឆ្នាំ២០២៤ វេលាម៉ោង៩និង៧នាទីយប់មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តរបស់កាសុីណូយ៉ាឌូលី ដែលមានអ្នកបើកបរឈ្មោះថោង សារ័ត្ន បានបើកបរវ៉ាជេង ហើយជ្រុលទៅបុកស្រ្តី២នាក់កំពុងដើរឆ្លងផ្លូវបានរងរបួសយ៉ាងធ្ងន់ធ្ងរកំពុងតែសម្រាកនៅមន្ទីរពេទ្យព្រះកុសម:។

រីឯស្រ្តីរងគ្រោះទី១ឈ្មោះយ៉នហ៊ា អាយុ៤១ឆ្នាំ ស្រុកកំណើតនៅឃុំចេក ស្រុកអូររាំងឪ ខេត្តកំពង់ចាម ទី២ឈ្មោះ យ៉នហុន ស្រុកកំណើតនៅជាមួយគ្នាត្រូវជាប្អូនបង្កើត របស់ស្រ្តីឈ្មោះ យ៉នហ៊ាអាយុ៤១ឆ្នាំ ចំណុចកើតហេតុនៅមុខកាសុីណូសុីកាង វ័នតា ក្រោយពីហេតុស្នងការនគរបាលចរាចរណ៍ខេត្តព្រះសីហនុ ចុះ វាស់វេង ហើយបានឃាត់ខ្លួនអ្នកបើកបររថយន្តឈ្មោះថោង សារ័ត្ន និងរថយន្តរបស់កាសុីណូ ទៅស្នងការដ្នានដើម្បីសួរនាំតាមជំនាញ។

ក៏ប៉ុន្តែដោយភាគីទាំងសងនិយាយថ្លៃសំណងមិនត្រូវគ្នាត្រូវគ្នាស្នងការនគរបាលចរាចរណ៍ខេត្តព្រះសីហនុ បានបញ្ជូនខ្លួនអ្នកបើកបរឈ្មោះថោងសារ័ត្ន ទៅសាលាដំបូងខេត្តព្រះសីហនុ ដើម្បីឲ្យតុលាការចាត់ការតាមនិតិវិធី។

ជាចុងក្រោយភាគីជនរងគ្រោះទាំងពីរនាក់បងប្អូនក៏បានសំណូមទៅដល់តុលាការ ខេត្តព្រះសីហនុ សូមមេត្តាជួយកាត់ក្តីដោយតម្លាភាពនិងផ្តល់សំណងឲ្យបានសមរម្យសំរាប់រូបគាត់យកមកបង់ថ្លៃមន្ទីរពេទ្យហើយថ្លៃសម្រាកព្យាបាលប្រចាំថ្ងៃដោយក្តីអនុគ្រោះ ៕