ជនរងគ្រោះចំនួន០៣នាក់ ករណីលង់ទឹកស្លា..ប់ នៅចំណុចទំនប់ទឹកស្ថិតក្នុងភូមិតាតូវ ឃុំទួលសាលា ស្រុកបសេដ្ឋ ខេត្តកំពង់ស្ពឺ

ខេត្តកំពង់ស្ពឺ ៖ នៅថ្ងៃទី១២ខែវិច្ឆិកា ឆ្នាំ២០២៤ មានករណីលង់ទឹកស្លាប់នៅចំណុចទំនប់ទឹកស្ថិតក្នុងភូមិតាតូវ ឃុំទួលសាលា ស្រុកបសេដ្ឋ ខេត្តកំពង់ស្ពឺ ។

ជនរងគ្រោះចំនួន០៣នាក់មានឈ្មោះ ៖
១./ ឈ្មោះ លី ផានុ ភេទប្រុស អាយុ១៤ឆ្នាំ (ស្លាប់)
២./ឈ្មោះ លី សុខហេង ភេទប្រុស អាយុ១០ឆ្នាំ(ស្លាប់)ទាំងពីរនាក់ជាបងប្អូនបង្កើត រស់នៅភូមិឃុំកើតហេតុ។
៣./ឈ្មោះ ឈឿង វាយុ ភេទប្រុស អាយុ១១ឆ្នាំ(ស្លាប់)

ប្រភពព័ត៌មានបានបញ្ជាក់ថា ជាបងប្អូនជីដូនមួយ រស់នៅភូមិកើតហេតុ បាននាំគ្នាជិះកង់ចំនួន០១គ្រឿងឌុបគ្នាទៅច្រូតស្មៅស្រែក្រោមទំនប់កើតហេតុខាងលើ លុះដល់ម៉ោង៥.៣០នាទីឈ្មោះ ឈិត សុភ័ក្ត្រ ភេទប្រុស អាយុ៤២ឆ្នាំ (ជាឪពុកសពក្មេង)ចេញពីធ្វើការរោងចក្រមកដល់ផ្ទះពុំឃើញកូនៗក៏សង្ស័យបាននាំគ្នាដើររកទៅដល់ចំណុចទំនប់ឃើញកង់និងស្បែកលើខ្នងទំនប់ក៏បានចុះរាវក៏ប្រទះឃើញសពក្មេងប្រុសឈ្មោះ លី ផានុ រួចក៏បន្តររាវរកឃើញសពក្មេងប្រុសរងគ្រោះឈ្មោះ លី សុខហេង និង សពក្មេងឈ្មោះ ឈឿង វាយុ តែអកុសលក្មេងទាំង០៣នាក់បានស្លាប់បាត់ទៅហើយ ។
ក្រោយពេលទទួលបានពត៍មាននេះ កម្លាំងជំនាញពិនិត្យវិភាគកន្លែងក្រោយពេលធ្វើការពិនិត្យសពជនរងគ្រោះរួច បានធ្វើការប្រគល់សព ជូនក្រុមគ្រួសារ សាច់ញាតិ ចាត់ចែងធ្វើបុណ្យតាមប្រពៃណី ៕