Spurs មានការចាប់អារម្មណ៍ចំពោះខ្សែបម្រើតម្លៃថ្លៃរបស់ Man City

(ឡុងដ៏)៖ ក្លិបមាន់ខ្នាយមាស់ Tottenham Hotspur បានមានការចាប់អារម្មណ៍ចំពោះខ្សែបម្រើប្រយុទ្ធ Jack Grealish របស់ក្លិបរួមលីគ Manchester City ដែលជាកីឡាករមានតម្លៃថ្លៃប្រចាំលីគអង់គ្លេស។ នេះបើតាមប្រភពពី Football Insider ។
រំលឹកផងថា ក្រោមការមើលឃើញពីលោក Pep Guardiola ខ្សែបម្រើ Jack Grealish ជាកីឡាករនាំលេងម្នាក់មានតម្លៃផ្ទេថ្លៃប្រចាំលីគប្រមាណ ១០០លានផោន ដែលក្រុមមេឃខៀវ Man City ទិញមកពីក្លិប Aston Villa កាលឆ្នាំ២០២១ ដែលមានកិច្ចសន្យារហូតដល់ឆ្នាំ២០២៧ ។
ប្រភពខាងលើបានបន្តថា ខ្សែបម្រើរូបនេះមានការធ្លាក់នៅទម្រង់លេងនៅកីឡដ្ឋាន Etihad នឹងមានការបើចំហរលើការផ្លាស់ប្តូរ ហើយក្នុងរដូវកាលថ្មីនេះ Jack Grealish ទើបលេងបាន ១០ប្រកួតនៅគ្រប់កម្មវិធីរបស់ក្លិប ។
ខណៈនេះជាការស្វែងរកនៅជម្រើសបន្ថែមលើទម្រង់ថ្មី ក្រោមការដឹកនាំដោយលោក Postecoglou ដែលលោកលើកឡើងថា ចង់បន្ថែមនៅគុណភាព និងបទពិសោធន៍ថ្មី ទៅក្នុងការប្រកួតលើទីលានដែលកំពុងមានការខ្វះខាត ៕