គូសង្សារជនជាតិចិនមួយគូ ខឹងខាងស្រីមិនចេញពីKTVមកជួប រួចយកកូនកាំបិតអារ ក ដៃខ្លួនឯង បណ្តាលឲ្យរងរបួស បង្កភ្ញាក់ផ្អើល

ភ្នំពេញ ៖ ស្ថិតនៅតាមបណ្ដោយផ្លូវ២៣២ កែងនិងផ្លូវ១២៥ ចំណុចមុខKTVជនជាតិចិនមួយកន្លែង ស្ថិតក្នុងសង្កាត់វាលវង់ ខណ្ឌ 7 មករា រាជធានីភ្នំពេញ។ហេតុការណ៍នេះកើតឡើងកាលពីវេលាម៉ោង ២ និង ១០នាទីយប់រំលងអធ្រាត្រឈានចូលថ្ងៃទី ២៣ ខែវិច្ឆិកា ឆ្នាំ ២០២៤។

ប្រភពព័ត៌មានបានបញ្ជាក់ថា គូសង្សារជនជាតិចិនមួយគូ ខាងប្រុសខឹងខាងស្រីមិនចេញពីKTVមកជួប យកកូនកាំបិតអារ ក ដៃខ្លួនឯងបណ្តាលឲ្យរងរបួស បង្កភ្ញាក់ផ្អើលដល់សមត្ថកិច្ចចុះអន្តរាគមន៍។

ក្រោយកើតហេតុសមត្ថកិច្ចបាននាំភាគីទាំងសងខាង ទៅប៉ុស្តិ៍នគរបាលរដ្ឋបាលវាលវង់ ដើម្បីធ្វើការសម្របសម្រួលគ្នា ៕