អ៉ីតាលី បន្តក្តោបក្តាប់ពាន Davis Cup 2024 ក្រោយផ្តួលហូឡង់ ២-០ នៅវគ្គផ្តាច់ព្រ័ត្រ

(ម៉ាឡាកា)៖ ក្រុមកីឡាករតេន្នីសជម្រើសជាតិអ៉ីតាលី បន្តកាន់ពាន Davis Cup 2024 ទៀត បន្ទាប់ពីយកឈ្នះគូប្រជែង ទឹកក្រូចហូឡង់ ២-០ ក្នុងវគ្គផ្តាច់ព្រ័ត្រនារាត្រីថ្ងៃអាទិត្យនៅប្រទេសអេស្ប៉ាញ។
ពីគេហទំព័រកីឡា BBC បានចេញផ្សាយថា កីឡាករលំដាប់លេខ១ ពិភពលោកបច្ចុប្បន្ន Jannik Sinner វ័យ ២៣ឆ្នាំបានលេងឈានដល់ចំណុចកំពូល ក្នុងការបញ្ចប់រដូវកាលឆ្នាំ២០២៤ ជាមួយនឹងការរួមចំណែកជួយអាសូរីការពារ Davis Cup បានសម្រេចនៅទីក្រុង Malaga។
រូបគេបានយកឈ្នះ Tallon Griekspoor ដោយលទ្ធផល ២-០ ជាមួយនឹងលំដាប់ពិន្ទុ ៧-៦ (៧-២) និង ៦-២ ក្រោយពេលមិត្តរួមជាតិ Matteo Berrettini យកឈ្នះ Botic van de Zandschulp ៦-៤ និង ៦-២ សម្រាប់វិញ្ញាសាវាយទោលផ្នែកបុរស ដ្បិតក្រុមស្រ្តីរបស់អ៉ីតាលី ក៏ដណ្តើមបានជើងឯក Billie Jean King Cup ក្នុងកម្មវិធីនេះដែរកាលពីរាត្រីថ្ងៃពុធ។
នេះមានន័យថា អ៉ីតាលីបានក្លាយជាក្រុមទី៦ លើកផែនដីនេះ ដែលធ្វើការការពារ Davis Cup បានសម្រេច នៅពេលពានលំដាប់ពិភពលោកមួយនេះត្រូវបានបង្កើតឡើងមានរយៈពេល ៥២ឆ្នាំមកហើយ និងជាលើកដំបូងផងដែរ គិតចាប់តាំងពីសាធារណរដ្ឋឆេកបានឈ្នះ Davis Cup ដំបូងក្នុងឆ្នាំ២០១៣ មក៕