ផ្លូវរថភ្លើង រាជធានីភ្នំពេញ-ព្រះសីហនុ (២៦៦គីឡូម៉ែត្រ) ត្រូវបានកសាងឡើង ក្រោមស្នាព្រះហស្ត របស់ ព្រះបរមរតនកោដ្ឋ

ខ្សែផ្លូវរថភ្លើងពីរាជធានីភ្នំពេញ ទៅខេត្តព្រះសីហនុ ដែលមានប្រវែងសរុប ២៦៦ គីឡូម៉ែត្រ បានកសាងឡើង ក្រោមស្នាព្រះហស្ត របស់ព្រះបាទសម្តេច ព្រះនរោត្តម សីហនុ ព្រះបរមរតនកោដ្ឋ ។

ការសាងសង់ផ្លូវដែកទាំងនេះ ត្រូវបានបែងចែកជាបីដំណាក់កាល (ក) ពីរាជធានីភ្នំពេញ នៅខេត្តតាកែវ មានប្រវែង ៧៥គីឡូម៉ែត្រ (កសាងពី ឆ្នាំ១៩៦០ ដល់ ឆ្នាំ១៩៦៦) (ខ) ពីខេត្តតាកែវ នៅខេត្តកំពត មានប្រវែង ៩២គីឡូម៉ែត្រ (កសាងពី ឆ្នាំ១៩៦៦ ដល់ ឆ្នាំ១៩៦៧) និង (គ) ពីខេត្ត កំពត ទៅកាន់ ខេត្តព្រះសីហនុ និងទៅកំពង់ផែព្រះសីហនុ មានប្រវែង ៩៨គីឡូម៉ែត្រ (កសាងពីឆ្នាំ១៩៦៧ ដល់ឆ្នាំ១៩៦៩)។

គួរបញ្ជាក់ផងដែរថា ផ្លូវដែកដើរតួនាទីយ៉ាងសំខាន់ ក្នុងការលើកកម្ពស់សុវត្ថិភាពការធ្វើដំណើរ កាត់បន្ថយគ្រោះថ្នាក់ចរាចរណ៍ និងរួមចំណែកដល់ការសម្របសម្រួលហេដ្ឋារចនាសម្ព័ន្ធដឹកជញ្ជូនកម្ពុជាអោយកាន់តែមានភាពរលូន៕