Wilson ទម្លាក់ Maguire ដើម្បីឆ្លងចូលជុំទី២ នៃកម្មវិធី UK Champion 2024

(ឡុងដ៍)៖ កីឡាករស្នូកឃើអន្តរជាតិអង់គ្លេស Kyren Wilson បានឡើងទៅជុំទី២ ជាបន្តទៀតនៃព្រឹត្តិការណ៍ជើងឯក UK Championship 2024 ក្រោយផ្តួល Stephen Maguire មិនឱ្យតដៃរួចក្នុងលទ្ធផល ៦-០ នាយប់មិញ។
កន្លងមក Wilson ពុំដែលឈ្នះជើងឯក UK Championship និងបានត្រឹមឆ្លងចូលវគ្គពាក់កណ្តាលផ្តាច់ព្រ័ត្រម្តងគត់ កាលឆ្នាំ២០២១ ដែលកម្មវិធីនេះរៀបចំឡើងនៅប្រទេសអង់គ្លេស។
ការឈានទៅវគ្គ ១៦នាក់ចុងក្រោយរបស់ Wilson នេះដែរ ជើងខ្លាំងឈរនៅចំណាត់ថ្នាក់លេខ២ ពិភពលោកនេះដែរ នឹងពើបប្រទះ Chris Wakelin ដែលឈរនៅលេខ១៥ ពិភពលោក បន្ទាប់ពីរូបគេទម្លាក់គូប្រជែង Matthew Selt ៦-៤ ដែលបានមកដល់វគ្គ ៨នាក់ចុងក្រោយកាលឆ្នាំទៅ។
តាំងពីបានឈ្នះពានជើងឯកពិភពលោក World Champion កាលខែឧសភា ឆ្នាំ២០២៤ Kyren Wilson ក៏បន្តឈ្នះពាន World Open រួមទាំងពាន Northern Ireland Open ថែមទៀតផង៕