បុរសម្នាក់ផឹកស៊ីស្រវឹង បើកម៉ូតូទៅផ្ទះមិនរួច ក៏ឈប់ម៉ូតូដេកតាមផ្លូវ ត្រូវជនស//ង្ស័យយកម៉ូតូនិងទូរស័ព្ទ ទៅបាត់ស្រមោល

ភ្នំពេញ ៖ កាលពី ថ្ងៃ២៦ខែវិច្ឆិកា ឆ្នាំ២០២៤ បុរសម្នាក់ផឹកស៊ីស្រវឹង បើកបរទៅផ្ទះមិនរួច ក៏ឈប់ម៉ូតូដេកតាមផ្លូវ ត្រូវជនសង្ស័យយកម៉ូតូទៅបាត់ស្រមោល ស្ថិតនៅតាមបណ្ដោយផ្លូវបេតុង ភូមិក្បាលដំរី២ សង្កាត់កាកាបទី២ ខណ្ឌពោធិសែនជ័យ រាជធានីភ្នំពេញ ។

នៅមុនកើតហេតុ គេឃើញបុរសរងគ្រោះជិះម៉ូតូមួយគ្រឿងម៉ាកស៊ុយស៊ូគីនិច ដោយមិនចាំស្លាកលេខនោះទេ ធ្វើដំណើរមកដល់ចំណុចខាងលើ ស្រាប់តែឈប់ម៉ូតូរួចហើយបានទៅប្រាសខ្លួនដេកលង់លក់នៅលើចិញ្ចើមខឿនមុខផ្ទះសំណាក់ យីហោ លាភហេង លុះក្រោយមកក៏មានជនសង្ស័យប្រុសស្រីពីរនាក់ដើរមកដល់ឃើញឱកាសល្អបានយកទូរស័ព្ទនិងម៉ូតូជិះចេញទៅបាត់ស្រមោលពីកន្លែងកើតហេតុ បន្ទាប់មកប្រជាពលរដ្ឋឃើញដូច្នេះក៏នាំគ្នារាយការណ៍ទាក់ទងទៅសមត្ថកិច្ចមូលដ្ឋានភ្លាមៗ។
សមត្ថកិច្ចមូលដ្ឋានចុះមកដល់ដាស់សួរនាំរួចហើយនាំយកទៅប៉ុស្តិ៍ដើម្បីទាក់ទងទៅក្រុមគ្រួសារអោយមកទទួលយកផ្ទះវិញ ៕