បុរសម្នាក់ រថយន្តកូរ៉ូឡាពន្លះទ្រូងផ្លូវក្នុងបរិវេណកោះពេជ្រ ក្រឡាប់ រងការខូចខាតយ៉ាងដំណំ

ភ្នំពេញ៖ កាលពី យប់ ថ្ងៃទី២៧ ខែវិច្ឆិកា ឆ្នាំ២០២៤ បុរសម្នាក់បានបើកបររថយន្តកូរ៉ូឡា មួយគ្រឿងក្នុងល្បឿនលឿនល្មម រួចក៏រេចង្កូតទៅបុកក្បាលនាគពុះចែកទ្រូងផ្លូវ បណ្តាលឲ្យក្រឡាប់ផ្ងារជេីងទ្រមេឃ ស្ថិតនៅតាមបណ្តោយផ្លូវបេតុង ក្នុងបរិវេណកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

មុនពេលកើតហេតុ គេបានឃើញរថយន្ត កូរ៉ូឡា ពណ៌ក្រហម១គ្រឿង ពាក់ផ្លាក លេខ ភ្នំពេញ 2F-7479 បើកបរដោយបុរសម្នាក់ រួមដំណើរជាមួយនារីម្នាក់ទៀត ធ្វើដំណើរតាមបណ្តោយផ្លូវបេតុងកោះពេជ្រ ទិសដៅពីជើងទៅត្បូងក្នុងល្បឿលលឿនល្មម ខណៈមកដល់ចំណុចកើតហេតុ រថយន្តក៏បានជ្រុលទៅបុកក្បាលនាគពុះចែកទ្រូងផ្លូវ បណ្តាលឲ្យក្រឡាប់ផ្ងារជេីងតែម្តង ភ្លាមៗនោះក្រុមសន្តិសុខដែលនៅការពារក្នុងតំបន់កោះពេជ្រ បាននាំគ្នាជួយទាញយកមនុស្សដែលនៅខាងក្នុងចេញមកក្រៅ តែសំណាងល្អដែរ ក្នុងហេតុការណ៍នេះមិនបង្កគ្រោះដល់អ្នកនៅក្នុងរថយន្តបង្ក ឬបង្កដល់អ្នកដ៏ទៃឡេីយ ។
បុរសជាម្ចាស់រថយន្តបង្កបានសងសំណងការខូចខាតចំនួន៣០ម៉ឺនរៀល ប៉ុន្តែត្រូវបានប្រធានគ្រប់គ្រងនៅក្នុងកោះពេជ្រ ប្រគល់ជូនវិញ ដោយឃើញថា ការបុកនេះគឺតិចតួចមិនមានបង្កការបាក់បែកទ្រូងផ្លូវនោះទេ ក៏បានអនុញ្ញាតឲ្យម្ចាស់រថយន្តស្ទូចយករថយន្តនោះទៅជួសជុលដោយខ្លួនឯង ៕