កម្លាំងអធិការដ្ឋាននគរបាលស្រុកត្រាំកក់ សហការជាមួយ នឹងកម្លាំងប៉ុស្តិ៍រដ្ឋបាលញ៉ែងញ៉ង ចាប់ខ្លួនជនស..ង្ស័យម្នាក់ករណីរក្សាទុក និងប្រើប្រាស់សារធាតុញៀន

ស្រុកត្រាំកក់ : នៅថ្ងៃទី០១ ខែធ្នូ ឆ្នាំ២០២៤ ដោយមានបទបញ្ជាយ៉ាងម៉ើងម៉ាត់ ពីលោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ កម្លាំងប៉ុស្តិ៍នគរបាលរដ្ឋបាលញ៉ែងញ៉ង សហការជាមួយកម្លាំងជំនាញនៃអធិការដ្ឋាននគរបាលស្រុកត្រាំកក់ ដឹកនាំដោយលោក វរៈសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ បានចេញល្បាតតាមដងផ្លូវសំខាន់ៗ លុះមកដល់ចំណុចផ្លូវលំដីស ស្ថិតនៅភូមិកំសី ឃុំញ៉ែងញ៉ង ដោយមានការសង្ស័យ សមត្ថកិច្ចបានឃាត់ជនសង្ស័យចំនួន ០១នាក់៖ ឈ្មោះ ផល ផាន់ណា ភេទប្រុស អាយុ ៣៧ឆ្នាំ មានទីលំនៅភូមិតាសោម ឃុំសំរោង (ប្រើប្រាស់) នឹងធ្វើការឆែកឆេររកឃើញរួមមាន: ម្សៅក្រាមពណ៌សថ្លាសង្ស័យជាសារធាតុចំនួន ០២ កញ្ចប់តូចលាក់ទុកក្នុងអំពូលភ្លើង ទូរសព្ទដៃចំនួន ០១គ្រឿង ម៉ូតូ ០១គ្រឿង។
ដោយមានការសម្របសម្រួលដោយលោក ម៉ៅ ស៊ីណា ព្រះរាជអាជ្ញារង អមសាលាដំបូងខេត្តតាកែវ សមត្ថកិច្ចក៏បាន ធ្វើការឃាត់ខ្លួនជនសង្ស័យរួមនឹងវត្ថតាងដើម្បីកសាងសំណុំរឿងតាមនីតិវិធីច្បាប់៕