សូមប្រុងប្រយ័ត្នចំពោះអ្នកប្រើប្រាស់ កំប៉ុងហ្គាសចាស់ៗ អាចបង្កការផ្ទុះទៅជាអគ្គិភ័យឆេះផ្ទះ

ភ្នំពេញ៖ ជាក់ស្ដែងកាលពី ថ្ងៃទី១៤ ខែធ្នូ ឆ្នាំ២០២៤ មានករណីអគ្គិភ័យមួយកន្លែងកើតឡើងនៅចំណុចផ្លូវ២០៨ ក្រុម៥ ភូមិសែនសុខ២ សង្កាត់ឃ្មួញ ខណ្ឌសែនសុខ។

ដោយសារតែកំប៉ុងហ្គាសតូចៗដែលអាជីវករលក់ដូរនៅតែយកមកដាក់លក់ឱ្យទៅអ្នកប្រើប្រាស់ មិនខ្វល់ពីគ្រោះថ្នាក់ នៃការផ្ទុះកំប៉ុងបង្កទៅជាអគ្គិភ័យឆាបឆេះផ្ទះប្រជាពលរដ្ឋ ដូច្នេះសូមប្រុងប្រយ័ត្នចំពោះការប្រើប្រាស់កំប៉ុងហ្គាសចាស់ៗ។
ហេតុការណ៍អគ្គិភ័យឆាបឆេះនេះ បណ្តាលមកពីផ្ទុះកំប៉ុងហ្គាសបង្កជាអគ្គិភ័យ។ អគ្គិភ័យនេះធ្វើឱ្យឆេះផ្ទះទំហំ ០៧ម៉ែត្រ គុណនិង ១៥ម៉ែត្រ ក្នុងនោះឆេះខូចខាតទូទឹកកក គ្រែពូក រួមនិងសម្ភារៈមួយចំនួន ហើយពុំបានឆេះរាលដាលដល់អ្នកក្បែរខាងឡើយ។
គួរបញ្ជាក់ថា នៅវេលាម៉ោង០១ និង៤៥នាទីរំលងអធ្រាត្រ ថ្ងៃទីខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ២គ្រឿង ប្រេីប្រាស់ទឹកអស់ចំនួន ២ឡាន ស្មើរនឹង ១២ម៉ែត្រគូប៕