បុរសម្នាក់ ជិះម៉ូតូសណ្តោងរ៉ឺម៉កដឹកសាច់ជ្រូកយកទៅឲ្យម៉ូយ ស្រាប់តែដាច់កង់រ៉ឺម៉កម្ខាង ជ្រុលទាញទៅបុកចូលផ្ទះជាងជួសជុលម៉ូតូ បណ្តាលឲ្យរងរបួសបាក់ជេីងម្ខាង

ភ្នំពេញ៖ ហេតុការណ៍នេះបានកេីតឡេីងនៅ ថ្ងៃទី២២ខែធ្នូ ឆ្នាំ២០២៤ នៅតាមបណ្តោយផ្លូវជាតិលេខ៣ ក្នុងភូមិអង្គត្រគៀត សង្កាត់កន្ទោក ខណ្ឌកំបូល រាជធានីភ្នំពេញ។
បុរសម្នាក់ជិះម៉ូតូសណ្តោងរ៉ឺម៉កដឹកសាច់ជ្រូកយកទៅឲ្យម៉ូយក្នុងល្បឿនលឿនស្រាប់តែដាច់កង់រ៉ឺម៉កម្ខាងជ្រុលទាញទៅបុកចូលផ្ទះជាងជួសជុលម៉ូតូបណ្តាលឲ្យរងរបួសបាក់ជេីងម្ខាងត្រូវបានកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យ។

ប្រភពព័ត៌មានបានបញ្ជាក់ថា ជនរងគ្រោះមានឈ្មោះ ឱក ស៉ីឌី ភេទប្រុស អាយុ២២ឆ្នាំ របួសបាក់ជេីងខាងស្តាំ មានស្រុកកំណេីតនៅភូមិព្រែកចំឡាក់ ឃុំកញ្ជរ ស្រុកឆ្លូង ខេត្តក្រចេះ ។
មុនពេលកេីតហេតុគេបានឃេីញជនរងគ្រោះជិះម៉ូតូសណ្តោងរ៉ឺម៉ក ដឹកសាច់ជ្រូកដេីម្បីយកទម្លាក់ឲ្យម៉ូយ ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូងក្នុងល្បឿនលឿនខណៈមកដល់ចំណុចកេីតហេតុស្រាប់តែរ៉ឺម៉កដាច់កង់ម្ខាងខាងស្តាំធ្វេីឲ្យជ្រុលទាញបុកចូលផ្ទះជួសជុលម៉ូតូបណ្តាលឲ្យអ្នកបេីកបររងរបួសបាក់ជេីងខាងស្តាំម្ខាង ។
ជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ជួយដឹកបញ្ជូនទៅព្យាបាលនៅមន្ទីរពេទ្យព្រះកុសុមៈ ចំណែកម៉ូតូ រ៉ឺម៉កត្រូវបានសមត្ថកិច្ចយកទៅរក្សាទុករង់ចាំដោះស្រាយពេលក្រោយ ៕