ឃា..ត់ខ្លួន មុខសញ្ញាជួញដូរគ្រឿង..ញៀន បានចំនួន ៤នាក់

សំរោងទង : នៅថ្ងៃទី២១ ខែធ្នូ ឆ្នាំ២០២៤ កម្លាំងនគរបាលប៉ុស្តិ៍រលាំងគ្រើល បានធ្វើការ ល្បាតនៅភូមិសាស្រ្ត ឃាត់ខ្លួនមុខសញ្ញារក្សាទុកនៅសារធាតុញៀន ១នាក់ នៅចំណុចភូមិព្រៃសាលា ឃុំរលាំងគ្រើល ស្រុកសំរោងទង ខេត្តកំពង់ស្ពឺ មានឈ្មោះ អាន សុធា ភេទ ប្រុស អាយុ ២៧ឆ្នាំនៅភូមិព្រៃសាលា ឃុំរលាំងគ្រើល ស្រុកសំរោង ទង ខេត្តកំពង់ស្ពឺ ។

ចម្លើយសារភាពរបស់ឈ្មោះ អាន សុធា នៅថ្ងៃទី ២២.១២.២០២៤ វេលាម៉ោង ១០ និង ៣០នាទី ដោយមានការសម្រប សម្រួលពីលោក រ៉ា លីសួន ព្រះរាជ អាជ្ញារងអមសាលាដំបូងខេត្ត និងមានការចង្អុលដឹកនាំពីលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្ត និងដឹកនាំបញ្ជាផ្ទាល់លោកស្នងការរងទទួលផែន កម្លាំងជំនាញប្រឆាំងគ្រឿងញៀនស្រុក បានបន្ដឃាត់ខ្លួនមុខសញ្ញាចំនួន ៣នាក់ មានឈ្មោះដូចខាងក្រោម ៖
១-ឈ្មោះ ចយ ចំណាប់ (ហៅ វ៉ូច) ភេទប្រុស អាយុ ២៧ឆ្នាំនៅភូមិព្រៃសាលា ឃុំរលាំងគ្រើល ស្រុកសំរោងទង ខេត្តកំពង់ស្ពឺ ឃាត់នៅចំណុច ភូមិព្រៃសាលា ឃុំរលាំងគ្រើល
២-ឈ្មោះ បាន ដា (ហៅ ជៀម) ភេទប្រុស អាយុ ២៥ ឆ្នាំ នៅភូមិក្រាំងស្វាយ ឃុំរលាំងគ្រើល ស្រុកសំរោងទង ខេត្តកំពង់ស្ពឺ ។
៣-ឈ្មោះ លី យ៉ាពូកៅ (ហៅ កៅ) ភេទប្រុស អាយុ ៣១ឆ្នាំនៅភូមិក្រាំងស្វាយ ឃុំរលាំងគ្រើល ស្រុកសំរោងទង ខេត្តកំពង់ស្ពឺ ។
ឃាត់ខ្លួនមនុស្ស ៤ នាក់ប្រុស គ្រឿង ញៀន១៣កញ្ចប់ (មធ្យម ៩កញ្ចប់) ទូរស័ព្ទដៃ ២គ្រឿង ៕