ឃា,,ត់ខ្លួនជនស,,ង្ស័យ០២នាក់ភ្លាមៗ ប្រទះឃើញជនសង្ស័យទាំង២នាក់ កំពុងធ្វើសកម្មភាពលួចម៉ូតូ១គ្រឿង

ភ្នំពេញ ៖ កម្លាំងនគរបាលប៉ុស្តិ៍ច្បារអំពៅទី០២ កំពុងជិះម៉ូតូល្បាតក្នុងមូលដ្ឋាន បានឃាត់ខ្លួនជនសង្ស័យ០២នាក់ភ្លាមៗ បន្ទាប់ពីប្រទះឃើញជនសង្ស័យទាំង២នាក់ កំពុងធ្វើសកម្មភាពលួចម៉ូតូ១គ្រឿង ។
ឃាត់ខ្លួនជនសង្ស័យខាងលើនេះដែរ សមត្ថកិច្ចធ្វើឡើងកាលពី ថ្ងៃទី២១ ខែមករា ឆ្នាំ២០២៥ នៅមុខផ្ទះគ្មានលេខ ផ្លូវបេតុង ភូមិដើមចាន់ សង្កាត់ច្បារអំពៅទី០២ ខណ្ឌច្បារអំពៅ រាជធានីភ្នំពេញ ។

មុនពេលកើតហេតុ សមត្ថកិច្ចប៉ុស្តិ៍ច្បារអំពៅ២ កំពុងជិះម៉ូតូល្បាតក្នុងមូលដ្ឋាន ខណៈល្បាតមកដល់ចំណុចកើតហេតុ ក៏ប្រទះឃើញជនសង្ស័យកំពុងអង្គុយលើម៉ូតូម៉ាក zoomer x ពណ៌ស លាយទឹកក្រូច ស្លាកលេខភ្នំពេញ 1FZ-7096 ។ ដោយស្របពេលនោះ សមត្ថកិច្ចមានការសង្ស័យ ក៏បានឃាត់ជនសង្ស័យទាំង០២នាក់ ត្រួតពិនិត្យ រកឃើញវត្ថុតាង សោលេខ៨ ចំនួន០១ និងដែកកែច្នៃចុងស្រួច សម្រាប់កាច់សោ.កម៉ូតូចំនួន០១ រួចបញ្ជូនទៅកាន់ប៉ុស្តិ៍ច្បារអំពៅ២ ដើម្បីសាកសួរ ។
សមត្ថកិច្ចបានបញ្ជូនជនសង្ស័យម្នាក់ ទៅកាន់ប៉ុស្តិ៍នគរបាលរដ្ឋបាលច្បារអំពៅទី០២ ធ្វើការសាកសួរ និងកសាងសុំណំរឿងចាត់ការតាមផ្លូវច្បាប់ ៕