គ្រោះអគ្គីភ័យឆាបឆេះអគារស្នាក់នៅបុគ្គលិកជាន់ទី៥ នៃកាស៊ីណូមេចេស្ទី ចំណុចផ្លូវដំណាក់ស្ដេច ស្ថិតក្នុងភូមិ២ សង្កាត់លេខ៣ ក្រុងព្រះសីហនុ

ព្រះសីហនុ- នៅ ថ្ងៃទី២៨ ខែមករា ឆ្នាំ២០២៥ មានករណីគ្រោះអគ្គីភ័យឆាបឆេះអគារស្នាក់នៅបុគ្គលិកជាន់ទី៥ នៃកាស៊ីណូមេចេស្ទី ចំណុចផ្លូវដំណាក់ស្ដេច ស្ថិតក្នុងភូមិ២ សង្កាត់លេខ៣ ក្រុងព្រះសីហនុ។

កម្លាំងជំនាញ នៃការិយាល័យជំនួយមនុស្សធម៌និងសង្គ្រោះគ្រោះមហន្តរាយ កងរាជអាវុធហត្ថខេត្ត ចំនួន ១១នាក់ រថយន្តពន្លត់អគ្គីភ័យ ចំនួន ០១គ្រឿង ដឹកនាំលោកវរសេនីយ៍ត្រី ឆឹម ផល្លី នាយការិយាល័យ សហការជាមួយកម្លាំងសមត្ថកិច្ច និងក្រុមជំនួយសង្រ្គោះចម្រុះពាក់ព័ន្ធក្នុងខេត្ត ចេញជួយអន្តរាគមន៍គ្រប់គ្រងបាញ់ទឹកពន្លត់ភ្លើង នៅទីតាំងកន្លែងកើតហេតុ។

ប្រតិបត្តិការសង្គ្រោះនេះ មានរថយន្តពន្លត់អគ្គីភ័យ ចំនួន ០៨គ្រឿង ប្រើប្រាស់ទឹកអស់ ០៣ឡាន ឆេះខូចខាតចំនួន ០២បន្ទប់ និងសម្ភារៈឆេះអស់ទាំងស្រុង តែមិនបង្កឱ្យមនុស្សរងរបួស ឬមានគ្រោះថ្នាក់ដល់អាយុជីវិតឡើយ៕