ឃា…ត់ខ្លួនជនត្រូវចោទម្នាក់ ពាក់ព័ន្ធករណីមិនបំពេញកាតព្វកិច្ចចំពោះឧបករណ៍អាចជួញដូរបាន

នៅថ្ងៃទី២៩ ខែមករា ឆ្នាំ២០២៥ កម្លាំងការិយាល័យនគរបាលព្រហ្មទណ្ឌកម្រិតធ្ងន់ បានស្រាវជ្រាវឃាត់ខ្លួនជនត្រូវចោទ នៅចំណុចផ្លូវលេខ៦១ កែង៩២ សង្កាត់ស្រះចក ខណ្ឌដូនពេញ ពាក់ព័ន្ធករណីមិនបំពេញកាតព្វកិច្ចចំពោះឧបករណ៍អាចជួញដូរបាន តាមដីកាបញ្ជាឱ្យចូលខ្លួនរបស់លោក វុិត មឃៈ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០២៤។
ជនត្រូវចោទឈ្មោះ ភោគ សីហា ភេទ ប្រុស ជនជាតិ ខ្មែរ មុខរបរ យោធា ទីលំនៅបច្ចុប្បន្នផ្ទះលេខ១៣១៩E ផ្លូវជាតិលេខ៥ ភូមិ២ សង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ។
ជនត្រូវចោទ សមត្ថកិច្ចបានបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់៕