រដ្ឋមន្ត្រីការពារជាតិថៃ បានបញ្ជាក់ច្បាស់ហេីយ ថាមិនមានការទូរស័ព្ទទៅមន្ត្រីណាមួយរបស់ថៃ ដេីម្បីសុំទោសករណីនៅប្រាសាទតាមាន់ ដូចដែលកាសែត The Nation ផ្សាយ ហេីយក៏បានកែសម្រួលរួចផងដែរ។
ដូចនេះសូមបងប្អូនជ្រាបជាព័ត៌មាន និងកុំមានការយល់ច្រលំដោយប្រការណាមួយ។ កម្ពុជា មិនមានការចាំបាច់ណាមួយត្រូវសុំទោសនោះដែរ រួមទាំងសម្តេចបវរធិបតីនាយករដ្ឋមន្ត្រី។ រដ្ឋមន្ត្រីការពារជាតិថៃបានធ្វេីសេចក្តីប្រកាសព័ត៌មានច្បាស់ហេីយ គឺមិនមានដូចអ្វីដែលសារព័ត៌មានបានចុះផ្សាយនោះទេ។
កម្ពុជា នៅតែរក្សាមិត្តភាពរវាងប្រទេសជិតខាង ឈរលេីអធិបតេយ្យភាពច្បាស់លាស់ គោលជំហរឹងមាំផ្អែកលេីច្បាប់ និងការពារបូរណភាពទឹកដីយ៉ាងច្បាស់ដាច់ខាត។ ជាមួយគ្នានេះ សម្តេចបវរធិបតីនាយករដ្ឋមន្ត្រី ទេីបប្រកាសកាលពីម្សិលមិញផងដែរថា “កម្ពុជានឹងធ្វេីកិច្ចការព្រំដែនដោយឈរលេីបច្ចេកទេស ផ្អែកលេីច្បាប់ តែក៏មានសិទ្ធិគ្រប់យ៉ាងក្នុងការពារជាតិ ការពារទឹកដីដោយប្រេីប្រាស់កងកម្លាំងប្រសិនបេីមានការឈ្លានពាន”។
